Paŭnočnaja Kareja moža pravieści novyja jadziernyja vyprabavańni — pra heta paviedamiła Centralnaje telehrafnaje ahienctva krainy. Adznačajecca, što heta buduć «vyprabavańni novaha typu» — nieviadoma, adnak, što mienavita majecca na ŭvazie.
Hetaja zajava prahučała na fonie rezkaj krytyki, jakuju Zachad vykazaŭ u bok Karei paśla cełaj sieryi rakietnych puskaŭ na hetym tydni.
U zajavie adznačajecca, što vajennyja vučeńni ZŠA i Paŭdniovaj Karei, jakija zaraz prachodziać la miežaŭ KNDR, nie vyklikajuć takoj reakcyi ŭ śviecie, jak vučeńni paŭnočnakarejskich rakietnych vojskaŭ.
Z 2006 hoda KNDR ažyćciaviła ŭžo try jadziernyja vybuchi. Padrychtoŭka da novaha testu, pa dadzienych zamiežnych krynic, pačałasia jašče ŭ minułym hodzie.
Ceły šerah rezalucyj Savieta Biaśpieki AAN zabaraniaje Pchieńjanu raspracoŭku rakietnych i jadziernych technałohij.
