Premjer-ministr Biełarusi Michaił Miaśnikovič viarnuŭ na dapracoŭku padrychtavanaje Ministerstvam ekanomiki pałažeńnie ab paradku arhanizacyi raspracoŭki, zaćviardžeńnia i razhladu biźnies-płanaŭ inviestycyjnych prajektaŭ. Ab hetym paviedamlaje pres-słužba ŭrada.
Na dumku premjer-ministra, padrychtavany prajekt nie daść miarkujemaha efiektu.
«Biźnies-płan kankretnaha prajekta va ŭmovach adkrytaha rynku i adkrytaj ekanomiki, a heta, u svaju čarhu, svabodnaja kankurencyja i svabodnyja, časta niepradkazalnyja ceny, nie moža być dakumientam, na asnovie jakoha dziaržorhany mohuć pryniać nieabchodnyja kiraŭnickija rašeńni», — zajaviŭ Miaśnikovič.
Na jaho dumku, biez bałansaŭ vytvorčaści i spažyvańnia, jak hłabalnych, tak i rehijanalnych, niemahčyma zrabić vysnovu ab efiektyŭnaści prajekta. «Mienavita popyt i prapanova źjaŭlajucca vyznačalnymi. Tamu ŭ biźnies-płanie pavinny być raźličany bałansy vytvorčaści i spažyvańnia (prodaž)», — paviedamlaje pres-słužba ŭrada.
Akramia taho, premjer-ministram daručana praduhledzieć u adpaviednym prajekcie pastanovy ŭrada piersanalnuju adkaznaść raspracoŭščykaŭ i ŭzhadniajučych dziaržaŭnych orhanaŭ za jakaść biźnies-płanaŭ.
Michaił Miaśnikovič taksama nastojvaje na ŭdziele ŭ ich padrychtoŭcy prafiesijnych jurystaŭ, jakija zmohuć minimizavać ryzyki jašče na stadyi padrychtoŭki inviestycyjnaha prajekta.
Ciapier čytajuć
«Mama płakała try dni, a tata nie razmaŭlaŭ hod». Kazaška vyjšła zamuž za biełarusa — i sutyknułasia z chejtam5
Kamientary