U Homieli zatrymali debašyraŭ, jakija pahražali raspravaj kanduktaru i sprabavali padpalić bałon z haručym hazam u sałonie aŭtobusa.
Pahrozu pažaru pieršymi adčuli pasažyry, jakija siadziać prama za śpinoj u kiroŭcy aŭtobusa. Pjanaja kampanija, nie saromiejučysia ŭ vyrazach, abmiarkoŭvała spadarožnikaŭ, a paśla hetaha pačała padpalvać haz z bałona dla zapraŭki zapalnic. U pavietry vyskakali jazyki połymia, paviedamlaje UUS Homielskaha abłvykankama.
Da paradku kampaniju niećviarozych ludziej zaklikaŭ adzin z pasažyraŭ. Jon zrabiŭ zaŭvahu, ale heta jašče bolš raspaliła debašyraŭ. U vyniku ŭ sałonie pačałasia bojka. Paśla čaho kanduktar vyklikała milicyju.
«Hladžu — ŭspyška ahniu vialikaja idzie. Spynili aŭtobus. Kiroŭca taksama vyjšaŭ. Kali daviedalisia, što my vyklikali milicyju, to stali mitusicca pa sałonie. Adzin łamaŭ dźviery — chacieŭ vyskačyć. Niechta z pasažyraŭ skazaŭ, što čuŭ, što mnie heta tak prosta nie projdzie. Pahražali mianie zapomnić i potym raźličycca», — raspaviała kanduktar.
Na parušalnikaŭ składzieny pratakoł ab administracyjnym pravaparušeńni.
