«Rasnafta» budzie prytrymlivacca ŭ raźlikach z klijentami tych valut, jakija prapisanyja ŭ kantraktach, paviedamiŭ siońnia žurnalistam prezident naftavaj kampanii Ihar Siečyn. «Dla mianie važna vykanańnie kantraktnych abaviazacielstvaŭ bakami. Kali my damaŭlajemsia ab peŭnaj valucie ŭ raźlikach, značyć, my budziem vykonvać abaviazacielstvy pa kantrakcie », — skazaŭ jon. «Hałoŭnaje — nie razhojdvać kantraktnuju asnovu »,— ličyć Siečyn.
Tydzień tamu na XXV źjeździe Asacyjacyi rasijskich bankaŭ prezident VTB Andrej Kościn zajaviŭ, što Rasii metazhodna pierajści na raźliki ŭ rublach z usimi handlovymi partniorami. «Pačynać treba nieadkładna. Nie tolki z raźlikami ŭ ramkach Mytnaha sajuza i SND, ale i ŭ adnosinach z našymi hałoŭnymi handlovymi partniorami, takimi jak Kitaj i Zachodniaja Jeŭropa», — skazaŭ Kościn. Na mierkavańnie bankira, tak Rasija zmoža «panizić zaležnaść ad kapryzaŭ uładaŭ ZŠA i ES».
Pa pierakanańni Kościna, pierachod na rublovyja raźliki pavinien stać pryjarytetam dla bankaŭskaj sistemy, CB i ŭrada, a na raźliki ŭ rublach u pieršuju čarhu pavinny pierajści ekspartnyja kampanii, asabliva dziaržaŭnyja. «Sumarny ekspartnyja pastaŭki «Hazproma», «Rasnafty» i «Rosabaroneksparta» składajuć amal $230 młrd u hod, ci 44% ad sukupnaha abjomu ekspartu tavaraŭ», — adznačyŭ prezident VTB. «Ja razmaŭlaŭ z kiraŭnikami hetych kampanij, jany nie suprać taho, kab vieści ekspart u rublach, im prosta treba dać adpaviedny miechanizm», — skazaŭ Kościn.
Pradstaŭnik «Rasnafty» adrazu ž skazaŭ «Viedamastiam», što «Rasnafta» pravodzić raźliki ŭ valucie kantraktu.
