Adpaviednaje rašeńnie ŭtrymlivajecca ŭ pastanovie Savieta ministraŭ № 336 ad 10 krasavika 2014 hoda, paviedamili ŭ pres-słužbie ŭrada.
«U suviazi sa śviatkavańniem 70-j hadaviny vyzvaleńnia Respubliki Biełaruś ad niamiecka-fašysckich zachopnikaŭ i ab`iaŭleńniem 2014 hoda Hodam haścinnaści respublikanskim orhanam dziaržaŭnaha kiravańnia i inšym dziaržaŭnym arhanizacyjam, jakija padnačaleny ŭradu Biełarusi, miascovym vykanaŭčym i rasparadčym orhanam, inšym arhanizacyjam rekamiendavana na dobraachvotnaj asnovie pravieści 12 krasavika 2014 hoda respublikanski subotnik na pracoŭnych miescach abo ažyćciavić dobraŭparadkavańnie i pryviadzieńnie ŭ naležny stan miemaryjalnych kompleksaŭ, pomnikaŭ, miescaŭ bajavoj i voinskaj słavy, pachavańniaŭ Vialikaj Ajčynnaj vajny, a taksama padrychtoŭku dziciačych azdaraŭlenčych łahieraŭ da letniaha siezona», — havorycca ŭ dakumiencie.
Hrašovyja srodki, zaroblenyja na pracoŭnych miescach u dzień respublikanskaha subotnika, buduć nakiravanyja Ministerstvu achovy zdaroŭja dla budaŭnictva Respublikanskaha centra pazitronna-emisijnaj tamahrafii na bazie dziaržaŭnaj ustanovy «Respublikanski navukova-praktyčny centr ankałohii i miedycynskaj radyjałohii imia M.M.Alaksandrava».
Hety centr patrebny dla rańniaha vyjaŭleńnia i dakładnaj dyjahnostyki złajakasnych utvareńniaŭ pa sučasnych standartach. Pazitronna-emisijnaja tamahrafija — heta samy sučasny i dakładny mietad jadziernaj miedycyny i ŭ ankałohii dazvalaje ab`iektyŭna vyznačać rakavyja puchliny z pamieru 5 mm, vyjaŭlać schavanyja dla inšych mietadaŭ addalenyja mietastazy, aceńvać efiektyŭnaść chimijaterapii i pramianiovaj terapii. Dapamoža hety centr taksama ŭ kardyjałohii i nieŭrałohii pry dyjahnostycy i lačeńni chvorych z zachvorvańniami sardečna-sasudzistaj sistemy i hałaŭnoha mozhu.
Budaŭnictva centra ŭžo pačata ŭ miežach dziaržaŭnych inviestycyjnych prahram, i nakiravańnie srodkaŭ, zaroblenych na subotniku, paskoryć jaho stvareńnie i dazvolić palepšyć umovy akazańnia dapamohi ankałahičnych chvorym, miarkujuć va ŭradzie.
