Адпаведнае рашэнне ўтрымліваецца ў пастанове Савета міністраў № 336 ад 10 красавіка 2014 года, паведамілі ў прэс-службе ўрада.
«У сувязі са святкаваннем 70-й гадавіны вызвалення Рэспублікі Беларусь ад нямецка-фашысцкіх захопнікаў і аб`яўленнем 2014 года Годам гасціннасці рэспубліканскім органам дзяржаўнага кіравання і іншым дзяржаўным арганізацыям, якія падначалены ўраду Беларусі, мясцовым выканаўчым і распарадчым органам, іншым арганізацыям рэкамендавана на добраахвотнай аснове правесці 12 красавіка 2014 года рэспубліканскі суботнік на працоўных месцах або ажыццявіць добраўпарадкаванне і прывядзенне ў належны стан мемарыяльных комплексаў, помнікаў, месцаў баявой і воінскай славы, пахаванняў Вялікай Айчыннай вайны, а таксама падрыхтоўку дзіцячых аздараўленчых лагераў да летняга сезона», — гаворыцца ў дакуменце.
Грашовыя сродкі, заробленыя на працоўных месцах у дзень рэспубліканскага суботніка, будуць накіраваныя Міністэрству аховы здароўя для будаўніцтва Рэспубліканскага цэнтра пазітронна-эмісійнай тамаграфіі на базе дзяржаўнай установы «Рэспубліканскі навукова-практычны цэнтр анкалогіі і медыцынскай радыялогіі імя М.М.Аляксандрава».
Гэты цэнтр патрэбны для ранняга выяўлення і дакладнай дыягностыкі злаякасных утварэнняў па сучасных стандартах. Пазітронна-эмісійная тамаграфія — гэта самы сучасны і дакладны метад ядзернай медыцыны і ў анкалогіі дазваляе аб`ектыўна вызначаць ракавыя пухліны з памеру 5 мм, выяўляць схаваныя для іншых метадаў аддаленыя метастазы, ацэньваць эфектыўнасць хіміятэрапіі і прамянёвай тэрапіі. Дапаможа гэты цэнтр таксама ў кардыялогіі і неўралогіі пры дыягностыцы і лячэнні хворых з захворваннямі сардэчна-сасудзістай сістэмы і галаўнога мозгу.
Будаўніцтва цэнтра ўжо пачата ў межах дзяржаўных інвестыцыйных праграм, і накіраванне сродкаў, заробленых на суботніку, паскорыць яго стварэнне і дазволіць палепшыць умовы аказання дапамогі анкалагічных хворым, мяркуюць ва ўрадзе.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары