U Dnieprapiatroŭsku abłasnyja ŭłady abiacajuć 10 tys. dalaraŭ za kožnaha złoŭlenaha «zialonaha čałaviečka», za kožny aŭtamat — $1000
Ułady Dnieprapiatroŭskaj vobłaści na čale ź biznesmenam Iharam Kałamojskim prapanujuć ad tysiačy dalaraŭ za zdaču zbroi, a za pieradaču ŭładam rasijskich najomnikaŭ pa 10 tysiač dalaraŭ.
Pra heta paviedamiŭ namieśnik staršyni Dnieprapiatroŭskaj abłdziaržadministracyi i biźniesmien Barys Fiłataŭ na svajoj staroncy ŭ Facebook.
«Pieršyja padraździaleńni śpiecbataljona «Dniapro» sfarmavanyja i hatovyja da vykanańnia bajavych zadač. Błakpost pastaŭleny», — adznačyŭ jon.
«Ja šmat dumaŭ pra padziei ŭ Daniecku i Łuhansku. Vysnova adna: heta revalucyja biednaści. Miaciež tych, chto stamiŭsia, chto ŭ rospačy, niepačutych uładaj ludziej», — napisaŭ Fiłataŭ.
«Klika Janukoviča, jakaja pahruziła našych suhramadzian u biezdań biezvychodnaści, siońnia pravakuje ich na sieparatyzm, razdajučy hrošy, skradzienyja ŭ ludziej i abiacajučy budučyniu ŭ składzie susiedniaj niedružalubnaj dziaržavy», — dadaŭ jon.
Pa słovach Fiłatava, u akcyjach udzielničajuć «našy ruskamoŭnyja braty z Danbasa, jakija zabłytalisia, stracili aryjenciry, kupilisia na sałodkija abiacańni niahodnikaŭ».
«U nas jość prapanova. Za kožny viernuty stvoł — vypłačvajecca ŭznaharodžańnie: za aŭtamat 1000 dalaraŭ ZŠA, kulamiot — 1500 dalaraŭ ZŠA, hranatamiot - 2000 dalaraŭ ZŠA», — paviedamlaje namieśnik Kałamojskaha.
«Za kožnaha pieradadzienaha «zialonaha čałaviečka», jon ža najomnik, jaki stupiŭ na našu ahulnuju ziamlu i sprabuje sapchnuć nas u bratazabojčuju vajnu, — uznaharodžańnie 10 000 dalaraŭ ZŠA», - dadaje jon.
Za kožny vyzvaleny budynak — 20 tys. dalaraŭ.
Kamientary