Sud Partyzanskaha rajona horada Minska vynies siońnia prysud u dačynieńni da byłoha dyrektara STAA «OKSIESinviest» za padbuchtorvańnie da dačy chabaru i machlarstvie ŭ asabliva bujnym pamiery, paviedamiła staršy opierupaŭnavažany pa asabliva važnych spravach HUBEZ kryminalnaj milicyi MUS Biełarusi Vieranika Paśmiećjeva.
Supracoŭniki hałoŭnaha ŭpraŭleńnia pa baraćbie z ekanamičnymi złačynstvami MUS zatrymali ŭ vieraśni 2012 hoda dyrektara inviestycyjnaj kampanii STAA «OKSIESinviest» za padbuchtorvańnie dyrektara inšaj zamiežnaj pryvatnaj kampanii da dačy chabaru ŭ pamiery $5 młn. Hrošy nibyta patrabavalisia za vyrašeńnie pytańnia ab nabyćci patencyjnym inviestaram va ŭłasnaść 279 ha ziamli pablizu vioski Łaparovičy i, pavodle jaho słoŭ, dla ich dalejšaj pieradačy słužbovym asobam Administracyi prezidenta i Minskaha abłvykankama.
Jak vyśvietlili apieratyŭniki HUBEZ MUS, STAA «OKSIESinviest» było zarehistravana rašeńniem Minharvykankama ŭ śniežni 2009 hoda i ŭžo praz dva miesiacy pa rašeńni Minabłvykankama dyrektar tavarystva atrymała dazvoł na realizacyju prajekta pa budaŭnictvie i ŭvodzie ŭ ekspłuatacyju pasiołka małapaviarchovaj žyłoj zabudovy z abjektami absłuhoŭvańnia, kamunikacyjami i abjektami sacyjakulturnaha pobytu pablizu vioski Łaparovičy ŭ Minskim rajonie, ahulnym likam ziamlu płoščaj 279 ha.
Zhodna z prajektam, uvieś abjom inviestycyj składaŭ kala 430 młn jeŭra, ź jakich bolšuju častku pavinny byli ŭkłaści pryvatnyja dolščyki i inšyja zabudoŭščyki sacyjakulturnych abjektaŭ, a ad samoha inviestara patrabavałasia ŭkłaści kala $7 młn. Adnak, jak było ŭstanoŭlena, bolš za dva hady prajekt pa zabudovie elitnaha pasiołka (stvareńnie adzinaj sistemy inžyniernych sietak, unutrykvartalnych daroh, zon adpačynku, škoł, dziciačych sadoŭ, AZS, hipiermarkieta, palikliniki i inš) u nazvanym rajonie lažaŭ miortvym hruzam, a sam dyrektar inviestycyjnaj kampanii šukaŭ pakupnikoŭ na 279 ha dziaržaŭnaj ziamli. I taki pakupnik znajšoŭsia. Złačynnaja zaduma sarvałasia tolki dziakujučy ŭmiašańniu pravaachoŭnikaŭ. Dyrektara inviestkampanii zatrymali ŭ momant pieradačy jamu $5 młn.
Akramia taho, užo ŭ ramkach rasśledavańnia kryminalnaj spravy śledčyja orhany ŭstalavali i inšyja fakty supraćpraŭnaj dziejnaści padazravanaha. Jon vymahaŭ u češskich inviestaraŭ bujnyja sumy hrošaj, jakija nibyta taksama patrabavałasia pieradać słužbovym asobam Administracyi prezidenta i Minabłvykankama za spryjalnaje vyrašeńnie pytańnia ŭsio pa tym ža inviestycyjnym prajekcie. Jak stała viadoma, nijakich hrošaj niadobrasumlenny inviestar nikomu z słužbovych asob pieradavać nie źbiraŭsia, a chacieŭ nažycca takim čynam.
Siońnia sud Partyzanskaha rajona Minska prysudziŭ byłoha inviestara za padbuchtorvańnie da dačy chabaru ŭ bujnym pamiery (č.5 art.16, č.2 art.431 KK) i za machlarstva ŭ asabliva bujnym pamiery (č.1 art.14, č.4 art.209 KK) da piaci hadoŭ pazbaŭleńnia voli z kanfiskacyjaj majomaści z adbyćciom pakarańnia ŭ papraŭčaj kałonii va ŭmovach ŭzmocnienaha režymu. Prysud jašče moža być abskardžany va ŭstanoŭlenym zakonam paradku na praciahu 10 dzion.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary