Na dva dni admieniać niekatoryja ciahniki praz ramont čyhunačnaha mosta
Homielskaje adździaleńnie Biełaruskaj čyhunki papiaredziła pasažyraŭ pra časovyja źmieny ŭ hrafiku ruchu ciahnikoŭ. Pryčyna ŭ płanavym ramoncie čyhunačnaha mosta na pierahonie «Mahiloŭ — Žłobin» z 8:20 25 lutaha da 23:50 26 lutaha.
U suviazi z hetym admianiajucca ciahniki №6560 «Žłobin — Rahačoŭ» (adpraŭleńnie sa Žłobina ŭ 21:25) i №6558 «Žłobin — Mahiloŭ» (adpraŭleńnie sa Žłobina ŭ 17:25).
26 lutaha taksama admianiajucca ciahniki mižrehijanalnaha spałučeńnia №615/616 «Mahiloŭ — Homiel» i №613/614 «Homiel — Mahiloŭ».
Zamiest Žłobina budzie arhanizavana adpraŭleńnie z Rahačova da Mahilova i nazad. 26‑ha ciahniki «Mahiloŭ — Žłobin» i «Žłobin — Mahiloŭ» pryznačajucca z prybyćciom i adpraŭleńniem u Bychavie.
Ramont zakranie ŭ hetyja dni i mižnarodnyja ciahniki:
- zamiest ciahnika №55/56 «Homiel — Maskva» pryznačajecca ciahnik «Mahiloŭ — Maskva» (adpraŭleńnie z Mahilova ŭ 21:54);
- ciahnik №83/84 «Sankt-Pieciarburh — Homiel» budzie ruchacca da stancyi Mahiloŭ, dalej pa maršrucie «Mahiloŭ — Asipovičy — Žłobin — Homiel» (prybyćcio ŭ Homiel u 11:18);
- ciahnik №83/84 «Homiel — Sankt-Pieciarburh» (adpraŭleńnie z Homiela ŭ 15:18) projdzie pa ŭčastku «Žłobin — Asipovičy — Mahiloŭ», dalej pa raskładzie.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary