Davydźka paraŭnaŭ vokładku «NN» z karykaturami na praroka Muchamieda
U efiry prahramy «Kłub redaktaraŭ» na kanale «Biełaruś-1» staršynia Biełteleradyjokampanii Hienadź Davydźka vyrašyŭ abmierkavać vokładku śviežaha numaru «Našaj Nivy».
«Pamiatajecie skandały paśla publikacyi karykatur na praroka Muchamieda? Ździek sa śviatyniaŭ niedapuščalny. I voś va Ukrainie ŭziali simvałam hieorhijeŭskuju stužačku. Nu ŭziali i ŭziali. Ale chtości abraziŭ hetuju stužačku kałaradskim žukom. Nasamreč mała chto viedaje, što heta porach i połymia, mnohija ludzi žyćcio za heta pakłali. Dla kahości heta śviatynia. Nakolki etyčna apahańvańnie hetaha simvała?» — zadaŭsia pytańniem Davydźka.
«Najčaściej simvały apahańvajuć tyja, chto ich vykarystoŭvaje tak, što heta vyklikaje ahidu ŭ inšych ludziej. Kali ludzi prychodziać zachoplivać čužyja ziemli, učyniajuć pahromy, upryhožyŭšy siabie lubym samym vydatnym simvałam, to reakcyja na heta budzie adekvatnaja», — patłumačyŭ jamu hałoŭny redaktar «Ekanamičnaj haziety» Leanid Frydkin.
«Niavarta žurnalistam uzmacniać hetyja rečy. Heta maje ahromnisty ŭpłyŭ i zastajecca na doŭhi čas. Nu navošta?» — zapiarečyła hienieralny dyrektar «Kamsamolskaj praŭdy» Halina Mališeŭskaja.
Ź joj pahadziŭsia i hałoŭny redaktar «Savieckaj Biełarusii» Pavieł Jakubovič, jaki zajaviŭ, što taki malunak na vokładcy — prajava drennaha hustu.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary