Mitrapalit Tadevuš Kandrusievič aśviaciŭ vielikodnyja stravy ŭ Čyrvonym kaściole FOTAREPARTAŽ
19 krasavika, u Vialikuju subotu, Mitrapalit Minska-Mahiloŭski arcybiskup Tadevuš Kandrusievič i Apostalski Nuncyj u Biełarusi arcybiskup Kłaŭdyjo Hudžeroćci napiaredadni Vialikadnia pamalilisia ź viernikami i błasłavili stravy na vielikodny stoł.
Zhodna sa šmatviakovaj tradycyjaj, paśla rezurekcyjnaj śviatoj Imšy, jakaja zvyčajna celebravałasia vielmi rana ŭ niadzielu, adbyvałasia cyrymonija aśviačeńnia ježy na śviatočny stoł. Viartajučysia dadomu, siamja siadała za ŭračystaje śniedańnie, jakoje, jak i sama ježa, nazyvałasia «śviačonaje».
Adnak jašče da vajny, asabliva ŭ viaskovych parafijach, u kaścioł imknulisia pa-raniejšamu pryviezci ŭ vialikich košykach usio, što zbiralisia vystavić doma na śviatočnaje niadzielnaje śniedańnie. Siońnia ž aśviačajuć tolki vybranyja stravy.
U vielikodnym košyku, zvyčajna plecienym z łazy, tradycyjna znachodziacca: jajki — simvał novaha žyćcia, zvyčajna farbavanyja (h. zv. «krašanki») abo malavanyja (h. zv. «pisanki»); vielikodnaje jahnia — zahadzia pryhatavanaje z masła abo ciesta ŭ admysłovych formach, paźniej — z cukru abo šakaładu, z charuhvaj, na jakoj napisana «Alleluja», što simvalizuje achviarnuju śmierć i ŭvaskrasieńnie Jezusa Chrysta; sol — jak simvał «soli ziamli».
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary