Sacyjalny marš pačniecca ŭ roznych miescach u rozny čas

Na siońniašniaj pres‑kanferencyi zajaŭniki Sacyjalnaha maršu 4 listapada kanstatavali, što ŭ akcyi budzie niekalki ačahoŭ.

Staršynia arhkamitetu Sacyjalnaha maršu Valery Ŭchnaloŭ adznačyŭ, što akcyja ŭžo vyjšła na finišnuju pramuju, da jaje praviadzieńnia zastałosia ŭsiaho try dni, tamu siońnia ŭžo možna havaryć pra jaje stanoŭčyja i admoŭnyja momanty. Da stanoŭčaha sp.Uchnaloŭ adnios toje, što ŭ padrychtoŭcy Sacyjalnaha maršu prymajuć udzieł usie subjekty abjadnanych demakratyčnych siłaŭ, a taksama, što byŭ dadzieny aficyjny dazvoł mienskich haradzkich uładaŭ. Da admoŭnych — sproba blakavańnia ŭsialakaj infarmacyi pra akcyju (kanfiskacyja ŭlotak, zatrymańni aktyvistaŭ, ucisk u škołach i VNU). Uchnaloŭ paviedamiŭ, što arhkamitet źviartaŭsia ŭ dziaržaŭnyja ŚMI, kab dać tam abviestku pra marš, ale stanoŭčaha adkazu nidzie nie było atrymana.

Darečy, akurat učora prajšło pasiedžańnie arhanizacyjnaha kamitetu Sacyjalnaha maršu. U jaho zajaŭnikaŭ niama adzinstva adnosna miesca i času praviadzieńnia akcyi.

Namieśnik staršyni «Maładych demakrataŭ» Michaił Paškievič zajaviŭ, što značnaja častka ludziej u lubym vypadku vyjdzie na Kastryčnickuju.

«U nas adny patrabavańni, roźnica tolki ŭ tym, što častka ludziej źbiarecca a 12 la Akademii navuk, a my źbiaromsia a 14 na Kastryčnickaj płoščy. Moładź stamiłasia ad pachodaŭ na Banhałor, jana nia choča pa trynaccać hadoŭ siadzieć u apazycyi, my chočam bolš rašučych dziejańniaŭ. Ja nie vyklučaju, što heta moža stać niejkaj avanturaj z našaha boku, bo nichto nia viedaje, kolki ludziej vyjdzie na akcyju, ale my musim iści na Kastryčnickuju. Abiacaju, što z našaha boku budzie šmat siurpryzaŭ 4 listapada», — skazaŭ Michaił Paškievič.

Nie źbirajucca iści da Banhałoru taksama adzin ź lideraŭ pradprymalnickaha ruchu Alaksandar Makajeŭ, Ihar Rynkievič (BSDP), lider AHP Anatol Labiedźka. Namieśnik staršyni Partyi BNF Viktar Ivaškievič skazaŭ, što taksama pryjdzie na Kastryčnickuju:

«Ja pryjdu tudy z toj metaj, kab abjadnać dźvie kalony demanstrantaŭ».

Michaił Paškievič vykazaŭ taksama prapanovu nastupnyja mitynhi i šeści apazycyi pravodzić nia z centru na ŭskrainu, a naadvarot. Zdałosia, što prapanovu padtrymali i starejšyja lidery partyjaŭ.

Zajaŭniki viali pieramovy ź niekatorymi ŭładoŭcami adnosna ich udziełu ŭ Sacyjalnym maršy, ale nichto ź ich nie zhadziŭsia.

Arhanizatary spadziajucca, što na Sacyjalny marš vyjdzie prykładna takaja ž kolkaść ludziej, jak 14 kastryčnika na Eŭrapiejski.

Pavialičyć

Pavialičyć

Pavialičyć

Pavialičyć

Pavialičyć

• 0
• 0
• 0
• 0
• 0
• 0
• 0
• 0