«Dyk heta vyzvaleńnie ci novaje katavańnie? Padman!» Aleksijevič prakamientavała departacyju 51 palitviaźnia i ŭčynak Statkieviča
11 vieraśnia Alaksandr Łukašenka adpuściŭ ź biełaruskich turmaŭ 52 palityčnych źniavolenych. Siarod ich byŭ i Mikałaj Statkievič, jaki admoviŭsia prymusova pakidać Biełaruś. Nobieleŭskaja łaŭreatka Śviatłana Aleksijevič na sustrečy z čytačami ŭ Bierlinie prakamientavała heta, piša DW.
Aleksijevič skazała, što ŭ vypadku z Łukašenkam, jaki staŭ vyzvalać palitviaźniaŭ, «my majem spravu z palityčnym žanhloram».
«Jamu treba źniać sankcyi, stać vyjaznym u Jeŭropu, i tamu jon idzie na taki padman: vypuskaje 50 čałaviek, ale sadžaje jašče 100. Nichto nasamreč nie vyzvalaje hetych ludziej: kali ich adpuskajuć, to tut ža departujuć. Dyk heta vyzvaleńnie ci novaje katavańnie? Ja liču, što novaje katavańnie».
Jana nahadała publicy, što ŭ Biełarusi palitźniavolenych prymušajuć pisać prašeńni ab pamiłavańni na imia Łukašenki, kab atrymać šaniec na daterminovaje vyzvaleńnie. Pavodle słoŭ Aleksijevič, jana prychilnica taho, kab ludzi padpisvali hetyja papiery.
«Heta tolki papiera dla dyktatara. Najvažniejšaje — kab jany zastalisia žyvymi: dla svaich dziaciej, maciarok, žonak i mužoŭ. Ale tut my znoŭ sutykajemsia z kulturaj: z adnaho boku, z kulturaj hvałtu, z druhoha — kulturaj hieraizmu. Ja ŭsio ž za toje, što žyćcio važniej za ŭsio. Nielha dapuścić, kab praviły dla našaha ŭnutranaha śvietu i marali dyktavaŭ dyktatar».
Aleksijevič skazała, što jaje mocna ŭražvaje biezdapamožnaść čałaviectva.
«Ja niadaŭna była ŭ krainach Bałtyi. Pra što tam kažuć ludzi? Pra vajnu. I ŭsie biezdapamožnyja. Usie mohuć dać Ukrainie zbroju, ale potym skazać, kab joju nie stralali daloka. Patrebnyja samaloty, ale ich nie pastaŭlajuć. Treba addać naležnaje, što ŭkraincy vajujuć nie tolki z Pucinym, ale i z našaj biezdapamožnaściu — u palitycy, dypłamatyi. Najbolš uražvaje — heta naša biezdapamožnaść. Dva maleńkija dyktatary, a śviet pierad imi biaśsilny».
Pavodle słoŭ Aleksijevič, jana zrazumieła, što svaim učynkam chacieŭ skazać Mikałaj Statkievič: «Nam nie treba znoŭ sastupać, kab niechta za nas vyrašaŭ, dzie nam žyć: na radzimie ci ŭ čužoj krainie».
Adnak piśmieńnica ličyć, što nielha patrabavać takoj ža mužnaści ad inšych.
«Statkievič vielmi mocny, pryhožy čałaviek. Ale patrabavać takoj siły ad usich ludziej, jakija ŭ turmach, moža, i nielha», — razvažaje Aleksijevič.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
Jeśli Tramp idiot na etu akciju s parallelnoj posadkoj novych biełarusov v tiuŕmy łukašienko łukašienkom, značit Tramp sohłasien s takim raźvitijem sobytii.
Pro životnoje v vidie łukašienko mołču, tam niet NIČIEHO ot čiełovieka i čiełoviečieskoho.
I da, kak tut pisali, kohda śnimut vsie sankcii s łukašienko, vymieniav 1400 biełarusov iz tiuriem łukašienko, čto diełať s druhoj tysiačiej posažiennych im parallelno i pośle ?
Opiať vvodiť sankcii, zakryť na eto hłaza i ostaviť kak jesť ?
Eto Trampa nie vołnujet v otličii ot Aleksiejevič.