«Z nami Pucin i Chrystos»: Łuhansk «vybraŭ» narodnaha hubiernatara i prahałasavaŭ za nacyjanalizacyju pradpryjemstvaŭ
U Łuhansku «narodnym hubiernataram» abviaścili kamandzira tak zvanaj armii paŭdniovaha ŭschodu Valeryja Bołatava. Heta adbyłosia na zakrytym pasiadžeńni «narodnaha schodu» ŭ zachoplenym budynku ŭpraŭleńnia SBU, — pieradaje Interfaks-Ukraina.
Pavodle infarmacyi ŭdzielnikaŭ, u «narodnym schodzie» prymali ŭdzieł pradstaŭniki roznych nasielenych punktaŭ vobłaści.
Presu na hetaje pasiedžańnie nie dapuścili. Ab abrańni «narodnym hubiernataram» pradstaŭnikam ŚMI paviedamiŭ sam Bołataŭ.
Pavodle jaho słoŭ, pierš za ŭsio jon budzie źbirać kamandu prafiesijanałaŭ, jakaja «naładzić pracu vobłaści». Taksama budzie stvorany narodny saviet Łuhanščyny. «Heta buduć pradstaŭniki ad usich haradoŭ vobłaści. Usio budzie demakratyčna, z narodam i dla naroda», — zajaviŭ Bołataŭ.
Taksama jon skazaŭ, što płanuje stvaryć vojska Łuhanskaj vobłaści, kudy ŭvojduć užo isnujučyja atrady, a taksama žychary Łuhanščyny.
Akramia hetaha, u płanach u jaho pierapadparadkavańnie ŭsich siłavych struktur vobłaści, u pryvatnaści, sudoŭ i MUS.
Bołataŭ paviedamiŭ taksama, što ciapier delehaty narodnaha vieča abmiarkoŭvajuć mahčymyja šlachi fiederalizacyi Łuhanskaj vobłaści.
Da hetaha pierad budynkam SBU prajšoŭ mitynh. Mitynhoŭcy na płoščy malilisia i zajavili, što ź imi «Pucin i Chrystos».
«Viadučy abjaŭlaje niejkaja prapanova (naprykład, źviarnucca da ŭrada Kryma, kab łuhanskich vieteranaŭ adpravić u krymskija sanatoryi, abo zabaranić u Łuhansku dziejnaść partyi «Svaboda» i «Pravy Siektar»), i ŭsio za heta hałasujuć», — adznačajecca ŭ paviedamleńni vydańnia 0642.ua.
Łuhanskaje «apałčeńnie» apranutaje ŭ formu chaki. Va ŭsich na pahonach — rasijski trykałor, a na hrudziach — saviecki značok «Udarnik kamunistyčnaj pracy».
«Miascovy kałaryt: prahałasavali za toje, kab nacyjanalizavać ŭsie pradpryjemstvy, jakija znachodzilisia ŭ dziaržaŭnaj ułasnaści da 1991 hoda.
Naohuł, samaja hałoŭnaja mara tych, chto sabraŭsia — adradzić Saviecki Sajuz», — adznačajecca ŭ paviedamleńni.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary