Try čałavieki zahinuli, jašče niekalki atrymali traŭmy ŭ vyniku sutyknieńnia ŭ Babrujsku ranicaj 27 krasavika turystyčnaha aŭtobusa ź minivenam.
Jak paviedamili u Mahiloŭskim abłasnym upraŭleńni MNS, DTZ adbyłosia na skryžavańni vulic Haharyna i Uljanaŭskaj. Miniven Seat Alhambra z vadzicielem i čatyrma pasažyrami sutyknuŭsia z aŭtobusam Mercedes turfirmy «Ałan-tur», u jakim znachodzilisia 47 čałaviek — vadziciel, ekskursavod, 43 dziciaci — vučni SŠ № 9 h. Žłobina i dvoje darosłych, što ich supravadžali.
«U siaredzinie lehkavoha aŭtamabila znachodzilisia zabłakiravanyja vadziciel i dvoje pasažyraŭ (ź ich adna pasažyrka pamierła na miescy avaryi). Dzieci i darosłyja, što ich supravadžali, nie paciarpieli, za vyklučeńniem troch navučencaŭ, jakija paśla ahladu ŭ balnicy byli adpuščanyja damoŭ», — skazali va ŭpraŭleńni MNS.
Miedyki taksama dastavili ŭ Babrujskuju centralnuju balnicu šeść čałaviek z traŭmami roznaj stupieni ciažkaści — vadziciela i troch pasažyraŭ minivena, a taksama vadziciela i ekskursavoda, jakija znachodzilisia ŭ turysckim aŭtobusie.
«U 10.40 u balnicy ad atrymanych traŭm pamior 65-hadovy vadziciel aŭtamabila Seat, a ŭ 12.40 pamierła 66-hadovaja pasažyrka aŭtamabila Seat», — paviedamili ŭ Mahiloŭskim upraŭleńni MNS.
Ekskursavod i vadziciel aŭtobusa paśla akazańnia dapamohi byli adpuščany damoŭ.
Jak paviedamili BiełaPAN va ŭpraŭleńni DAI UUS Mahiloŭskaha abłvykankama, sutyknieńnie adbyłosia na skryžavańni nieraŭnaznačnych daroh: Seat nie ŭstupiŭ darohu aŭtobusu Mercedes, jaki ruchaŭsia pa hałoŭnaj darozie. Skryžavańnie abstalavana śviatłaforam, ale ŭ momant avaryi jon nie pracavaŭ z-za techničnaj niaspraŭnaści. Vadzicieli pavinny byli kiravacca patrabavańniami darožnych znakaŭ, adznačajuć u DAI.
Turystyčnaj kampanijaj «Ałan-tur» byŭ vydzieleny dadatkovy aŭtobus dla dastaŭki dziaciej.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary