Prezident ZŠA Barak Abama adkazaŭ na krytyku z boku pradstaŭnikoŭ Respublikanskaj partyi pa niedastatkova žorstkaj reakcyi ZŠA na rasijskuju ahresiju va Ukrainie.
Z adpaviednaj zajavaj jon vystupiŭ u aŭtorak padčas pres-kanfierencyi ŭ filipinskaj stalicy.
«Niaŭžo niechta dumaje, što, daŭšy Ukrainie dadatkovuju zbroju, my možam supraćstajać rasijskaj armii ci nie bolš šancaŭ kab supraćstajać im, užyŭšy dypłamatyčny cisk i ekanamičnyja sankcyi?», — adznačyŭ amierykanski prezident.
Jon padkreśliŭ, što ŭ vypadku ź ciapierašniaj situacyjaj va Ukrainie mižnarodnaj supolnaści ŭdałosia mabilizavacca, kab ździejśnić dastatkovy cisk na RF.
Abama adznačyŭ, što bolšaść palitykaŭ, jakija staviać pad sumnieŭ kroki Biełaha doma, na samaj spravie imknucca ŭviazacca ŭ vajennyja avantury, «da jakich amierykanski narod nie prajaŭlaje nijakaj cikavaści i jakija nijak nie spryjali b abaronie intaresaŭ ZŠA ŭ śfiery biaśpieki».
Takich rašeńniaŭ nie budzie, padkreśliŭ Abama, tolki z-za taho, što kamuści ŭ Vašynhtonie ci Ńju-Jorku chočacca «vyhladać mocnymi».
Ciapier čytajuć
Siłaviki zatrymali lidara hurta «Pałac» Aleha Chamienku4
Kamientary