Łucenka: Adnavić ukrainskuju ŭładu na Uschodzie biez achviar užo niemahčyma, vajennyja čakajuć zahadu na ŭžyvańnie siły
Daradca v. a. prezidenta Ukrainy Juryj Łucenka miarkuje, što dyjałoh ź sieparatystami va ŭschodnich abłaściach Ukrainy možna vieści tolki z pazicyi siły.
«Na samoj spravie dziaržava maje siły, jakija mohuć navieści paradak, ja heta mahu z upeŭnienaściu śćviardžać. Mała taho, hramadskaje mierkavańnie Danbasa, prynamsi Danieckaj vobłaści, dzie ja byŭ — i ja heta dakładna viedaju, — na baku Ukrainy.
Niedzie 70-75% chočuć naviadzieńnia paradku i asablivaha, ale statusu Danbasa va Ukrainie», — skazaŭ Łucenka.
«I na samaj spravie my majem šaniec adnavić tam i paradak, i Ukrainu. Ale dla hetaha treba pryniać žorstkaje palityčnaje rašeńnie. Treba addać zahad», — zajaviŭ jon.
«Na siońniašni dzień šlachu adnaŭleńnia ŭkrainskaj ułady na Danbasie biez achviar užo niama. Ale niekalki čałaviek, jakija mohuć paciarpieć tam, mohuć spynić saboj tuju łavinu hvałtu, jakaja nasoŭvajecca na Ukrainu», — ličyć palityk.
Łucenka adznačyŭ, što kiraŭnictva krainy pavinna pastavić pierad siłavikami zadaču «začyścić « budynki abłdziaržadministracyj u Łuhansku i Daniecku, a taksama ŭstalavać dziaržaŭny ściah i pačać dyjałoh.
«Ale dyjałoh pavinien być z pazicyi siły», — udakładniŭ jon,
adznačyŭšy, što pravaachoŭnikam, jakija buduć abaraniać suvierenitet krainy, u svaju čarhu, treba dać sacyjalnyja harantyi — pavysić zarpłatu i zastrachavać ich žyćci.
«Vajennyja viedajuć, jak heta rabić. Jany čakajuć hetaha zahadu. Ale heta vielmi ciažka ŭziać na siabie taki zahad (užyvać siłu suprać sieparatystaŭ)», — padkreśliŭ Łucenka.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia20
Kamientary