U Biełarusi zaćvierdžany biudžet pražytačnaha minimumu ŭ siarednim na dušu nasielnictva i pa asnoŭnych sacyjalna-demahrafičnych hrupach u cenach sakavika 2014 hoda ŭ raźliku na adzin miesiac. Takoje rašeńnie źmiaščajecca ŭ pastanovie Savieta ministraŭ ad 24 krasavika biahučaha hoda № 387, paviedamili ŭ pres-słužbie biełaruskaha ŭrada.
Biudžet pražytačnaha minimumu ŭ siarednim na dušu nasielnictva ad 1 maja da 31 lipienia hetaha hoda składzie 1 młn 212 tys. 470 rubloŭ, što na 7,5% bolš za raniejšy narmatyŭ.
Dla pracazdolnaha nasielnictva BPM z maja ustalavany ŭ pamiery 1 młn 357 tys. 440 rubloŭ, dla piensijanieraŭ - 1 młn 31 tys. 330, dla dziaciej da 3 hadoŭ — 1 młn 27 tys. 90, dla dziaciej ad 3 da 6 hadoŭ - 1 młn 328 tys. 760, dla dziaciej ad 6 da 18 hadoŭ - 1 młn 326 tys. 710, dla dziaciej-studentaŭ — 1 młn 236 tys. 240 rubloŭ.
U suviazi z pavyšeńniem BPM ad 1 maja na 7,5% pavialičvajucca pamiery pracoŭnych minimalnych i sacyjalnych piensij, a taksama nadbaŭki i pavyšeńni, ustanoŭlenyja da piensij asobnych katehoryj piensijanieraŭ. Na takuju ž vieličyniu vyrastuć pamiery niekatorych vidaŭ dziaržaŭnych dapamoh siemjam, jakija vychoŭvajuć dziaciej.
Jak paviedamlałasia, zakonam «Ab pražytačnym minimumie ŭ Respublicy Biełaruś» ustanoŭlena pravavaja asnova vyznačeńnia pražytačnaha minimumu i jaho vykarystańnia. Biudžet pražytačnaha minimumu ŭjaŭlaje saboj vartasnuju vieličyniu minimalnaha naboru materyjalnych vyhod i pasłuh, nieabchodnych dla zabieśpiačeńnia žyćciadziejnaści čałavieka i zachavańnia jaho zdaroŭja, a taksama abaviazkovyja płaciažy i ŭznosy. Jon raźličvajecca ŭ siarednim na dušu nasielnictva i pa asnoŭnych sacyjalna-demahrafičnych hrupach, i štokvartalna zaćviardžajecca pastanovaj Savieta ministraŭ.
Biudžet pražytačnaha minimumu jak sacyjalny narmatyŭ vykarystoŭvajecca dla analizu i prahnazavańnia ŭzroŭniu žyćcia nasielnictva; akazańnia dziaržaŭnaj adrasnaj sacyjalnaj dapamohi małazabiaśpiečanym hramadzianam (siemjam); abhruntavańnia minimalnych dziaržaŭnych sacyjalna-pracoŭnych harantyj.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»

Kamientary