U biełaruskich telehram-kanałach źjavilisia abjavy pra vierbavańnie kantraktnikaŭ dla Minabarony RF
U biełaruskich telehram-kanałach sprabujuć znajści dobraachvotnikaŭ dla padpisańnia kantrakta ź Minabarony RF. U pryvatnaści, abjavy z adnolkavym tekstam źjavilisia ŭ telehram-kanałach «Rabota ŭ Breście» i «Rabota ŭ Pinsku». U patrabavańniach da kandydataŭ ukazana «dobraje zdaroŭje», źviarnuŭ uvahu reform.news.
«Terminova! Dobraachvotniki na kantrakt dla MA RF! Najvyšejšyja vypłaty! Poŭnaje zabieśpiačeńnie, charčavańnie, pražyvańnie, premii, prostaje afarmleńnie! Prajezd biaspłatna ź luboha horada!» — havorycca ŭ paviedamleńni.
Paśla padpisańnia kantrakta ź Minabarony RF prapanujuć 400 000 rasijskich rubloŭ (kala 5 tysiač dalaraŭ), plus 2 400 000 rasijskich rubloŭ (kala 31 tysiačy dalaraŭ). Usiaho — 2 800 000 rubloŭ. Dalej abiacajuć zarabotnuju płatu ad 210 000—320 000 rubloŭ u miesiac (da 4 tysiač dalaraŭ) i vyšej «u zaležnaści ad rehijona słužby i zadač, jakija vykonvajucca», a za hod kantrakta — 5 320 000 rubloŭ (kala 70 tysiač dalaraŭ).
Paźniej abjavy na abodvuch resursach byli vydaleny.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary