Makkiejn — Ukrainie: ZŠA rychtujuć vajennuju dapamohu, my vas nie kiniem
Dastatkova vialikaja hrupa amierykanskich sienataraŭ rychtuje zakon, zhodna ź jakim ZŠA pradastavić Ukrainie vajennuju dapamohu na $100 młn.
Pra heta sienatar ZŠA Džon Makkiejn raspavioŭ u efiry telekanała Inter.
Jon padkreśliŭ, što havorka idzie nie tolki ab finansavaj dapamozie Ukrainie.
«My chočam dać srodki dla procidziejańnia rasijskaj ahresii, dać zrazumieć Pucinu, što jon zapłacić vysokuju canu, kali zachoča zachapić Uschod Ukrainy ci navat Poŭdzień», — adznačyŭ sienatar.
Razam z tym, jon padkreśliŭ, što pryniaćcie zakona moža zaciahnucca, a čas u dadzienym vypadku «suprać nas».
Tamu Makkiejn raspavioŭ, što pasprabuje pierakanać prezidenta ZŠA Baraka Abamu adpravić vajennuju dapamohu Ukrainie raniej.
Havoračy pra vierahodnaść dalejšaj ahresii Rasii, sienatar vykazaŭ upeŭnienaść, što prezident Rasii ciapier uzvažvaje svaje mahčymaści, zasiarodžvaje vajskovyja siły, pasyłaje pravakataraŭ.
«Na samoj spravie jon razvažaje nie tolki ab zachopie Uschodu Ukrainy, ale i Poŭdnia, i Małdovy i dałučeńnie Prydniastroŭja», — zajaviŭ Makkiejn.
Jon adznačyŭ, što Amieryka hatovaja adkazać na ahresiju Pucina tym, što «Rasija budzie całkam izalavanaja».
«My budziem cisnuć, kab Rasija vyvieła vojski, cisnuć, kab adnavić status Kryma. My vas nie kiniem», — padkreśliŭ sienatar.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»28
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3030
Kamientary