Маккейн — Украіне: ЗША рыхтуюць ваенную дапамогу, мы вас не кінем
Дастаткова вялікая група амерыканскіх сенатараў рыхтуе закон, згодна з якім ЗША прадаставіць Украіне ваенную дапамогу на $100 млн.
Пра гэта сенатар ЗША Джон Маккейн распавёў у эфіры тэлеканала Інтэр.
Ён падкрэсліў, што гаворка ідзе не толькі аб фінансавай дапамозе Украіне.
«Мы хочам даць сродкі для процідзеяння расійскай агрэсіі, даць зразумець Пуціну, што ён заплаціць высокую цану, калі захоча захапіць Усход Украіны ці нават Поўдзень», — адзначыў сенатар.
Разам з тым, ён падкрэсліў, што прыняцце закона можа зацягнуцца, а час у дадзеным выпадку «супраць нас».
Таму Маккейн распавёў, што паспрабуе пераканаць прэзідэнта ЗША Барака Абаму адправіць ваенную дапамогу Украіне раней.
Гаворачы пра верагоднасць далейшай агрэсіі Расіі, сенатар выказаў упэўненасць, што прэзідэнт Расіі цяпер узважвае свае магчымасці, засяроджвае вайсковыя сілы, пасылае правакатараў.
«На самой справе ён разважае не толькі аб захопе Усходу Украіны, але і Поўдня, і Малдовы і далучэнне Прыднястроўя», — заявіў Маккейн.
Ён адзначыў, што Амерыка гатовая адказаць на агрэсію Пуціна тым, што «Расія будзе цалкам ізаляваная».
«Мы будзем ціснуць, каб Расія вывела войскі, ціснуць, каб аднавіць статус Крыма. Мы вас не кінем», — падкрэсліў сенатар.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары