Ciška Hartny |
4 listapada ŭ Piačerski lesapark Mahilova da pamiatnaha znaku biełaruskamu piśmieńniku, pieršamu staršyni savieckaha ŭradu Biełarusi pryjšli dva dziasiatki čałaviek. Na symbaličnym miescy pachavańnia Źmitra Žyłunoviča adbyŭsia niepraciahły mitynh.
Na mitynhu mahiloŭskija palityki, aktyvisty niaŭradavych arhanizacyjaŭ uzhadali piśmieńnika dy jahonyja tvory. Pramaŭlali pra Biełaruskuju narodnuju respubliku, BSSR dy siońniašniuju niezaležnuju Biełaruś.
Pavodle aficyjnaj versii, piśmieńnik pamior ad hanhreny lohkich. Historyki ž spasyłajucca na vidavočcaŭ trahiedyi: pavodle apoviedaŭ, daviedzieny ŭtrymańniem u lakarni da psychičnaha zryvu, Žyłunovič skončyŭ žyćcio samahubstvam.
Prykładnaje miesca pachavańnia znajšoŭ kiraŭnik mahiloŭskaha adździaleńnia «Martyralohu Biełarusi» Valancin Jermałovič. U 1989 hodzie na hetym miescy pastavili pamiatny znak.
Sioleta ŭletku aktyvisty haradzkoj supołki Tavarystva biełaruskaj movy źviarnulisia da mahiloŭskaj ułady z prośbaj uparadkavać terytoryju vakoł pamiatnaha znaku Cišku Hartnamu. Pavodle staršyni supołki Aleha Dziačkova, u harvykankamie nibyta ŭchvalili inicyjatyvu i pačali raspracoŭvać prajekt uparadkavańnia.