Minsk upieršyniu prymaje takoje vialikaje mierapryjemstva.
Horad doŭha rychtavaŭsia da čempijanatu. Źjaviłasia šmat pryjemnych novaŭviadzieńniaŭ. Adramantavali darohi. Źjavilisia novyja hateli. Na vulicach — sučasnyja šyldy pa-biełarusku i anhlijsku.
Ale ŭ palityčnym płanie zdarylisia haniebnyja rečy.
Horad začyścili ad apazicyi. Pa stanie na ranicu 9 maja ŭ izalatarach znachodzicca prynamsi 28 «palityčnych». Štodnia hetaja ličba pavialičvajecca. Vidavočna, što suśvietnyja žurnalisty nie abminuć hetuju temu ŭ svaich publikacyjach ź Minska. Jak i temu palitviaźniaŭ.
Aficyjnaja Biełaruś u hetym płanie straciła mahčymaść pakazać siabie ŭ dobrym śviatle ŭ śviecie. Sumnuju piačatku «dyktatury» takimi dziejańniami nie zmyješ.
Byli spadzievy, što za chakiejem budzie sačyć, kali nie ŭvieś śviet, dyk prynamsi Jeŭropa. Ale padziei va Ukrainie vidavočna buduć zajmać pieršaje miesca. Kali Jeŭropa staić na parozie novaj vajny, tut užo nie da chakieja. Dyj jakoje tut «śviata», kali ŭ susieda takaja biada.
Rasijskija fanaty chacieli pravieści na 9 maja ŭ Minsku «Ruski marš», ale minskaja milicyja miakka namiaknuła na jaho niepažadanaść.
Što datyčyć spartovaha składnika, to čempijanat Minsk prymie ŭ toj čas, kali ŭ NCHŁ tolki pačynajucca zaruby za Kubak Stenli (kalandar ssunuty na dva tydni praz paŭzu dla Alimpijady). Tamu zorak suśvietnaj vieličyni pryjedzie vobmal. Chacia heta zusim nie značyć, što chakiej budzie kiepskim.
Nie, naturalna, Minsk čakajuć vydatnyja hulni. Unutranyja kanflikty, pieražyvańni, radaści i rasčaravańni. Jak na lubych bujnych spabornictvach, biez hetaha nijak. Kab jašče nie hetaja zmazanaść palitykaj.
Chto aryštavany pierad čempijanatam śvietu?
Niekatoryja z hetych ludziej bolš viadomyja, niekatoryja — mienš.
Źmicier Daškievič, były palitviazień. Zatrymany 24 krasavika. Aryšt — 25 sutak
Alaksandr Franckievič, były palitviazień. Zatrymany 25 krasavika — 25 sutak
Dzianis Karnoŭ, biznesoviec Zatrymany 26 krasavika — 20 sutak
Alaksandr Kurbacki. Zatrymany 26 krasavika — 20 sutak
Mikałaj Kołas. Zatrymany 26 krasavika — 15 sutak
Leanid Smoŭž, mašynist sa Stoŭbcaŭ. Zatrymany 26 krasavika — 20 sutak
Juryj Rubcoŭ, šafior z Homiela. Zatrymany 26 krasavika — 25 sutak
Uładzimir Novikaŭ. Zatrymany 26 krasavika — 15 sutak
Alaksandr Stukin. Zatrymany 26 krasavika — 20 sutak
Valer Tamilin. Zatrymany 26 krasavika — 20 sutak
Mikałaj Dziemidzienka. Zatrymany 5 maja — 20 sutak
Michaił Muski. Zatrymany 5 maja — 20 sutak
Andruś Cianiuta, lidar Maładaha Frontu. Zatrymany 5 maja — 10 sutak
Alaksandr Palakoŭ. Zatrymany 5 maja — 10 sutak
Illa Vałavik, Siarhiej Paźniak, Kiryła Jermałovič, Kiryła Kłykaŭ (fanaty FK «Partyzan»). Zatrymanyja 6 maja. Usie — pa 10 sutak
Leanid Kułakoŭ. Zatrymany 7 maja — 10 sutak aryštu
Nastaśsia Kuchta. Zatrymanaja 7 maja — 17 sutak aryštu
Alaksandr Arłoŭ. Zatrymany 7 maja — 20 sutak aryštu
Stanisłaŭ Račkiel (Hrodna). Zatrymany 8 maja — 10 sutak aryštu
Uładzisłaŭ Zapasaŭ. Zatrymany 8 maja — 15 sutak aryštu
Andrej Tkačoŭ. Zatrymany 7 maja — 15 sutak aryštu
Viačasłaŭ Zavinieŭski (Hrodna). Zatrymany 8 maja — 10 sutak aryštu;
Siarhiej Mackojć. Zatrymany 7 maja — 20 sutak;
Źmicier Palijenka. Zatrymany 8 maja — 10 sutak aryštu;
Źmicier Juškievič. Zatrymany 8 maja – 20 sutak aryštu;
Siarhiej Kazakoŭ. Zatrymany 8 maja — 20 sutak aryštu.
Hety śpis niapoŭna. U im imiony tolki tych, pra čyj aryšt viadoma pravaabaroncam.
Aktyŭnaje «palavańnie» na aktyvistaŭ roznych hramadskich ruchaŭ i partyj praciahvajecca. 8 maja zatrymany ŭ Homieli Źmicier Karaškoŭ, u Miensku supracoŭniki milicyi rasšukvajuć Marynu Chomič, Antona Žyłko, Artura Fińkieviča i Źmitra Kavałhina.
Pavodle Spring96.org