U svajoj spravazdačy pra ŭdzieł u Sacyjalnym maršy siabry ŭltranacyjanalistyčnaj arhanizacyi «Biełaja Vola» kažuć, što mienavita «anarcha‑kamunisty» spravakavali bojku padčas akcyi.
«U «Biełaj Voli» nikoli nie było iluzij nakont biełaruskaj libieralna‑demakratyčnaj apazicyi, ale na hety raz nam spadabaŭsia idejny pasył akcyi. 4 listapada apazicyjnyja pravadyry zaklikali narod prajci maršam nie ŭ honar «jeŭrapiejskich kaštoŭnaściej» ci «naładžvańnia dyjałohu z uładaj», a ŭ abaronu sacyjalnych harantyj», — havorycca ŭ siońniašniaj zajavie ŭltranacyjanalistyčnaj niezarehistravanaj arhanizacyi.
«Biełavolcy» kažuć, što sa ździŭleńniem ubačyli, što «pad naš ściah pryjšli nie tolki kamrady «Biełaj voli»: padychodzili z prośbaj dałučycca da kałony i ludzi zusim nam nieznajomyja».
Padčas šeścia ŭltranacyjanalisty paśpieli, pavodle ichnaj spravazdačy, raspaŭsiudzić la 600 svaich ulotak, jany «vykrykvali nacyjanał‑patryjatyčnyja łozunhi: «Nacyja! Ajčyna! Vola», «Nie kantraktnaj sistemie!», «Akcyi narodu — a nie aliharcham!», «Za kroŭ! Za honar! Za našu Dolu! Za Biełuju Volu» i inšyja».
Ale, jak pišuć «biełavolcy», papraŭki ŭ chadu padziej unieśli «levyja radykały». Pavodle zajavy «Biełaj Voli», «biełarusija «anarcha‑kamunisty» nie adzin raz zaŭlali, što razhladajuć «biełavolcaŭ» ledź nie hałoŭnymi svaimi vorahami». «Prajavili svaju podleńkuju sutnaść jany i na hety raz. Jašče kala Akademii navuk našymi kamradami byli adbity sproby adabrać našy ŭlotki pabornikami «libiertaryjanskaha kamunizma». (…) Hetkija ž vychadki praciahnulisia i padčas ruchu kałony. Akramia taho, na adras «biełavolcaŭ» z boku kałony anarchistaŭ vykrykvalisia pahrozy i abrazy (u style «vali karyčnievuju mraź!»), — paviedamlajuć ultranacyjanalisty.
«Biełavolcy» upeŭnivajuć, što ciarpieli i ihnaravali anarchistaŭ, ale «ŭsiamu jość miaža: padčas ruchu kałony pa vulicy Surhanava «anarchisckaje chamstva» (u chadu pajšli vykryki nie na adras abstraktnych «fašystaŭ», a kankretna našaha ruchu) vyliłasia ŭ adkrytuju sutyčku». Pry hetym «biełavolcy» śćviardžajuć, što mienavita anarchisty vykarystoŭvali armaturu i draŭlanyja dubiny.
«Anarchisty» nahladna pakazali nakolki ich chvaluje abvastreńnie sacyjalnych prablem» Biełarusi, faktyčna sarvali i biaz hetaha ahidna arhanizavany marš, padstavili libierałaŭ‑arhanizataraŭ i vystavili siabie poŭnymi kłounami. (…) Pa vialikim rachunku dla «biełavolcaŭ» šeście skončyłasia pieramožna. Chacia i vielmi hłupa. Nastolki, što ŭźnikajuć sumnievy ź pierśpiektyvach dalejšaha ŭdziełu «Biełaj Voli» u niachaj pravilnych, ale arhanizavanych libierałami akcyjach», — zajaŭlajuć ultranacyjanalisty.
Jany taksama spadziajucca, što «miascovyja «ultralevyja» zrazumiejuć, «što za svaje ŭčynki adkazvać usio‑taki pryjdziecca».
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary