Zołatavalutnyja reziervy Biełarusi ŭ adpaviednaści ź mietadałohijaj Mižnarodnaha valutnaha fondu pa vynikach krasavika skaracilisia na $238,1 młn i, pavodle papiarednich danych, na 1 maja 2014 hoda skłali $5 młrd 477 młn u ekvivalencie.
Ab hetym paviedamili va ŭpraŭleńni infarmacyi i hramadskich suviaziej Nacyjanalnaha banka Biełarusi.
U nacyjanalnym vyznačeńni abjom zołatavalutnych reziervaŭ skaraciŭsia na $210,2 młn i na 1 maja skłaŭ $6 młrd 91,2 młn u ekvivalencie.
«Na źnižeńnie abjomu zołatavalutnych reziervaŭ u krasaviku biahučaha hoda paŭpłyvała pahašeńnie ŭradam i Nacyjanalnym bankam Biełarusi źniešnich i ŭnutranych abaviazacielstvaŭ u zamiežnaj valucie ŭ poŭnym abjomie», - adznačyli va ŭpraŭleńni Nacbanka.
Padtrymańniu ŭzroŭniu zołatavalutnych reziervaŭ sadziejničała raźmiaščeńnie valutnych ablihacyj Ministerstva finansaŭ Biełarusi na ŭnutranym rynku krainy.
