U niadzielu ŭ Litvie prachodziać prezidenckija vybary, u vybarčyja śpisy ŭniesiena bolš za 2,5 miljona vybarščykaŭ. Hałasavańnie na vybarčych učastkach pačałosia ŭ 7 ranicy i praciahniecca da 20 hadzin.
Kandydat abirajecca ŭ pieršym tury, kali pry jaŭcy bolš čym 50% jon nabiraje bolš za pałovu hałasoŭ. Kali jaŭka nie dasiahaje 50%, abranym u pieršym tury moža ličycca kandydat, za jakoha prahałasavała bolšaść, ale nie mienš jak dźvie traciny vybarščykaŭ.
Kali ŭ pieršym tury ni adzin z kandydataŭ nie nabiraje nieabchodnaj bolšaści hałasoŭ, praz dva tydni adbudziecca druhi tur vybaraŭ, jon projdzie adnačasova z vybarami ŭ Jeŭraparłamient — 25 maja.
Na vybarach bałatujucca siem kandydataŭ: sacyjał-demakrat Zihmantas Balčycis, dziejučy prezident Dala Hrybaŭskajcie, pradstaŭnik Partyi pracy parłamientaryj Arturas Paŭłaŭskas, parłamientaryj Nahlis Puciejkis, pradstaŭnik Litoŭskaha sajuza sialan i zialonych mer Ihnaliny Bronis Rope, lider Vybarčaj akcyi palakaŭ Litvy jeŭraparłamientaryj Valdemar Tamašeŭski, mer Vilni Arturas Zuokas.
Kaho hladzieli bolej i što ŭ kamientarach? Paraŭnali navahodnija zvaroty Cichanoŭskaj i Łukašenki24
Kamientary