Raman Pratasievič upieršyniu za miesiac pakazaŭsia ludziam, ale ŭ dziŭnym vyhladzie
Što stała sa zvarščykam, jaki čatyry miesiacy nazad abiacaŭ aktyŭna viarnucca ŭ miedyjnuju śfieru?
Apošni miesiac kanał Ramana Pratasieviča nie padavaŭ prykmietaŭ žyćcia. Apošni post byŭ datavany 28 listapada.
31 śniežnia ŭ 22:10 pa biełaruskim časie ŭ kanale Pratasieviča źjaviłasia videapaviedamleńnie — trochi dziŭnavataje.
«Daŭno mianie nie było na ekranach, miesiac, ale mahu skazać, što hety miesiac ja nie skłaŭšy ruki, mnie ŭdałosia źniać niekalki krutych videa, hieroi jakich vas dakładna ździviać», — kaža Pratasievič. Toje samaje jon abiacaŭ dva z pałovaj miesiaca nazad.
Choć viečar pieradnavahodni, na fonie niama ni jalinki, ni navat doždžyku, ani siabroŭ i śviatočnaha stała. I, choć Raman uzdymaje ŭ kadry bakał dla čyrvonaha vina z vadkaściu ryžaha koleru — mahčyma kańjakom, jon nie vyhladaje ni viasiołym, ni radasnym, vočy jaho markotnyja, a hołas momantami navat dryžyć.
«Usio kaniečnie budzie dobra ŭ nadychodziačym hodzie, ja ŭ heta ščyra vieru!» — kaža Pratasievič.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary