Karejskaja kampanija vypłacić kampiensacyi siemjam supracoŭnikaŭ, jakija paciarpieli ad lejkiemii, jakuju jany, pa mierkavańnie svajakoŭ, atrymali z-za pracy na škodnaj vytvorčaści.
Jak paviedamlaje Yonhap News Agency, vice-prezident Samsung Electronics Kvon Ab Chien padčas pres-kanfierencyi ŭpieršyniu aficyjna paprasiŭ prabačeńnia ŭ supracoŭnikaŭ svaich zavodaŭ pa vytvorčaści paŭpravadnikoŭ, jakija pakutujuć na lejkiemiju, i ŭ ich siemjaŭ, a taksama ŭ rodnych supracoŭnikaŭ, jakija pamierli ad nievylečnych chvarob, mahčyma, vyklikanych umovami pracy.
«Niekalki našych supracoŭnikaŭ paciarpieli ad lejkiemii i inšych nievylečnych chvarob», — adznačyŭ vice-prezident kampanii. «My pavinny byli vyrašyć hetuju prablemu raniej. My vielmi škadujem ab tym, što i nie zmahli zrabić hetaha, i prynosim svaje prabačeńni», — skazaŭ jon.
Kvon Ab Chien taksama skazaŭ, što kampanija vypłacić kampiensacyi siemjam paciarpiełych. Ich pamier, pa słovach vice-prezidenta kampanii, vyznačyć śpiecyjalna stvoranaja kamisija.
Adnak technałahičny hihant pa-raniejšamu ŭstrymlivajecca ad kamientaroŭ adnosna ŭmovaŭ pracy na svaich zavodach. Pradstaŭniki kampanii skazali tolki, što prymuć adpaviednyja miery dla taho, kab takija vypadki nie paŭtaralisia.
Raniej suprać Samsung svajakami rabočych, jakija pakutujuć ad nievylečnych zachvorvańniaŭ, užo padavalisia sudovyja pazovy. U 2007 hodzie ad lejkiemii pamior supracoŭnik kampanii. Členy jaho siamji ŭpeŭnienyja, što pieradumovaj zachvorvańnia stała ŭździejańnie taksičnych rečyvaŭ, ź jakim pracoŭny mieŭ spravu na zavodzie kampanii.
U 2012 hodzie z patrabavańniem vypłacić kampiensacyju źviarnułasia siamja supracoŭnicy, jakaja atrymała rak małočnaj załozy. Na ich dumku, chvaroba taksama stała śledstvam drennych umovaŭ pracy.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary