Nad knihaj pracuje nastaŭnik hieahrafii i historyi Kłajšanaŭskaj bazavaj škoły Ivan Fiasienka.

Dziakujučy namahańniam niaŭrymślivaha nastaŭnika školniki Voranaŭskaha rajonu ŭžo čatyry hada zajmajucca pavodle raspracavanaj im prahramy «Voranavaznaŭstva». A materyjałaŭ z kožnym hodam dziakujučy novym znachodkam pedahoha dadajecca ŭsio bolš.
Uvieś čas, što Ivan Fiasienka pracuje nastaŭnikam, jon litaralna pa drabočkam adnaŭlaje historyju Voranaŭščyny. U Raduńskaj himnazii jon zasnavaŭ adzin ź lepšych u Biełarusi školnych muzejaŭ, jakomu nadadzieny status «narodnaha». Ciapier tut adbyvajucca krajaznaŭčyja kanferencyi samych roznych uzroŭniaŭ. Akramia ŭsiaho krajaznaŭca z Voranava raspracavaŭ vosiem turystyčnych maršrutaŭ.
Materyjału naźbirałasia na cełuju knihu. Praca nad joj idzie kala 15 hod i ŭžo nabližajecca da zaviaršeńnia. Nazyvacca kniha budzie «Encyklapedyja Voranaŭščyny». Siudy patrapiać unikalnyja dakumenty ź vilenskich, varšaŭskich dy ajčynnych archivaŭ.
Niadaŭna nastaŭnik staŭ laŭreatam respublikanskaha konkursu prafesijnaha majsterstva «Pedahoh hodu pazaškolnych ustanovaŭ».
Kamientary