Cichanoŭski raskazaŭ, što było ŭ łaźni paśla sustrečy z Łukašenkam u SIZA KDB
Błohier zhadaŭ razmovu Viktara Babaryki z synam.
Paśla sustrečy palitviaźniaŭ z Łukašenkam u SIZA KDB u 2020-m źniavolenych na ranicu pavieźli ŭ łaźniu. U intervju prajektu «Žyćcio-malina» Siarhiej Cichanoŭski zhadaŭ, što tam było.
Cichanoŭski kaža, što tam nastavili mikrafonaŭ i paśla ŭ efir dziaržTB vydali pierakručanuju razmovu Viktara Babaryki z synam Eduardam.
«Jon niešta spytaŭ. Nu, zrazumiej, kali b majho syna pasadzili, ja b taksama syna spytaŭ. Typu: «Heta maja baraćba, ale ty moj syn. Moža, mnie ŭsio ž taki addać naohuł usio, što ŭ mianie jość, prosta im, kab ty vyjšaŭ?» Voś u takim klučy niešta Viktar Dźmitryjevič spytaŭ. Takoje dobraje, viedaješ.
I hetyja čmyry zapisali i pa cieliku potym krucili. Nibyta Babaryka synu kaža: «Tak što mnie, viarnuć hrošy skradzienyja?»
Cichanoŭski zhadvaje, što ŭ łaźni byŭ basiejn, ale aproč Babaryki nichto nie pajšoŭ u im płavać.
Błohier raskazvaje, što było samym strašnym u niavoli.
«U Dastajeŭskaha jość takaja fraza, što samaje žorstkaje katavańnie ŭ kataržnym žyćci — heta vymušanaje sužycielstva. (…) 11 čałaviek na Vaładarcy. Maleńki pakoj u 2, dy ŭ 3-4 razy mienšy za hetu studyju, dzie my zaraz zapisvajemsia. 11 čałaviek, nary dvuchpaviarchovyja, unitaz — dzirka ŭ padłozie.
Tam jany ŭsie chodziać u tualet, pastajanna palać (ja nie palu), usio heta ŭ dymie, stoli nizkija. Heta ž zamak stary Vaładarka, tak? Kašmar, śmiardzić. I jašče niekatoryja tam sami siabie zadavalniajuć źniavolenyja».
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty8
Kamientary