Mikałaj Jakubovič pabyŭ u pałonie ŭ sieparatystaŭ, jon raspavioŭ pra svaich vykradalnikaŭ.
Pavodle jaho słoŭ, zachopam ludziej u Danbasie zajmajecca danieckaja hrupoŭka «Apora», jakaja admiežavałasia ŭ svoj čas ad charkaŭskaj arhanizacyi, i ciapier jany siabie nazyvajuć «Ruskaj pravasłaŭnaj armijaj».
Pra heta ŭ intervju «Hoavkomu» raspavioŭ daradca sakratara SNBA, były milicyjant z Bresta i kamandzir 28 sotni Samaabarony Majdana Mikałaj Jakubovič.
«1 traŭnia ŭ Makiejeŭcy byŭ vykradzieny aktyvist «Baćkaŭščyny», jaki pracavaŭ u vybarčym štabie. Ja daviedaŭsia pra heta ad znajomych. Vyrašyŭ dapamahčy. Padjechaŭ ŭ miascovuju administracyju, pahutaryŭ z bajevikami. Skazaŭ, što hety čałaviek ničoha drennaha vam nie zrabiŭ, pasprabavaŭ damahčysia taho, kab hetaha chłopca adpuścili. Adnak ničoha nie vyjšła. Na nastupny dzień hety chłopiec mnie sam patelefanavaŭ, paviedamiŭ, što jaho adpuskajuć. Ja sieŭ u mašynu, pajechaŭ na sustreču ź im va ŭmoŭlenaje miesca, chacieŭ prosta pahavaryć pra toje, što adbyłosia. Kali pryjechaŭ, mianie tut ža akružyła hrupa sa zbrojaj, padyšli z usich bakoŭ. Viadoma, ja nie dumaŭ, što mianie schopiać. Ludzi, jakija mianie ŭtrymlivali, nazvalisia «Ruskaj pravasłaŭnaj armijaj», — raspaviadaje Jakubovič.
Pavodle jaho słoŭ, heta danieckaja hrupoŭka «Apora», jakaja admiežavacca ŭ svoj čas ad charkaŭskaj «Apory», a ciapier jany siabie nazyvajuć «Ruskaj pravasłaŭnaj armijaj».
«U ich kala 100 aktyvistaŭ. Adzinaha lidara niama. U asnoŭnym hrupoŭka składajecca z ukraincaŭ. Prynasmsi, ja nie bačyŭ siarod ich pryšłych. Adnym z aktyvistaŭ źjaŭlajecca žychar Krasnaarmiejska pa mianušcy Manhoł, jaho asoba zaraz vyśviatlajecca. Usiaho ŭ ich šerahach šmat byłych vajskoŭcaŭ, jakija byli najmitami ŭ svoj čas u rasijskaj armii, vajavali ŭ Čačni i Prydniastroŭi», — padkreśliŭ Jakubovič.
Pytalisia, čamu jon jechaŭ na sustreču, jakaja infarmacyja jamu patrebna. Pa słovach sotnika, jaho źbili, niekalki razoŭ pieravozili ź miesca na miesca, ale praz 4 dni ŭsio ž adpuścili, abmianiaŭšy na adnaho z terarystaŭ.
«Tłumačać heta mnostvam faktaraŭ. Pačynajučy ad uzajemadziejańnia na ŭzroŭni SNBA i Samaabarony i zakančvajučy zacikaŭlenymi ludźmi ŭ łahiery bajevikoŭ, jakija pahadzilisia na abmien», — rastłumačyŭ situacyju Jakubovič.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary