MUS Biełarusi inicyjuje abmiežavańnie prodažu śpirtnoha z 22.00 da 9.00. Adpaviednaja prapanova ŭžo ŭzhodnienaja i nakiravanaja na razhlad uradu, paviedamiŭ načalnik upraŭleńnia prafilaktyki hałoŭnaha ŭpraŭleńnia milicyi hramadzkaj biaśpieki i specyjalnaj milicyi MVD Mikałaj Drozd.
Pravaachoŭnyja orhany ŭ liku papravak u administratyŭnaje zakanadaŭstva prapanujuć taksama ŭvieści adkaznaść za raśpićcio alkaholnych i słaboalkaholnych napojaŭ u hramadzkich miescach.
Prablema baraćby z pjanstvam i alkahalizmam zastajecca dosyć vostraj. Sioleta bolš za 680 svarakpad uździejańniem alkaholu pieraraśli ŭ złačynstvy roznaj ciažkaści. Na ŭliku ŭ milicyi stajać kala 6 tys. niadobranadziejnych siemjaŭ, u lačebna-pracoŭnych prafilaktoryjach na lačeńni znachodziacca kala 4,2 tys. čałaviek. A ŭsiaho za piać hadoŭ ad alkaholnych atručańniaŭ u krainie pamierła kala 14 tys. čałaviek.
