Kala budynka administracyi prezidenta samaabvieščanaj respubliki Abchazija ŭ Suchumi ŭ aŭtorak sabraŭsia tak zvany «ŭsienarodny schod» prychilnikaŭ apazicyi.
Siarod patrabavańniaŭ — adstaŭka kiraŭnika respubliki, ŭrada, hienieralnaha prakurora i kiraŭnikoŭ administracyj niekalkich rajonaŭ.
Jak paviedamlajuć miascovyja ŚMI, apazicyja niezadavolenaja dziejańniami ŭłady, jakija, na dumku pratestoŭcaŭ, pryviali krainu da bankructva.
Prezident Alaksandr Ankvab sustreŭsia ź lidarami apazicyi i pa vynikach pieramovaŭ pahadziŭsia adpravić u adstaŭku ŭrad, paviedamlaje «Interfaks» sa spasyłkaj na sakratara Słužby biaśpieki Abchazii Nuhzara Ašuba.
«Ankvab pakinuŭ budynak svajoj administracyi paśla taho, jak tudy pranikła hrupa apazicyjanieraŭ. Na pieramovach jon daŭ zhodu na adstaŭku ŭrada, hienieralnaha prakurora i kiraŭnikoŭ dvuch rajonaŭ respubliki, ale apazicyja zapatrabavała bolšaha: adstaŭki kiraŭnika dziaržavy», — zajaviŭ uviečary ŭ aŭtorak sakratar SB Abchazii Nuhzar Ašuba.
«My prymajem usie mahčymyja miery, kab situacyja vyrašyłasia mirnym šlacham», - padkreśliŭ jon.
Raniej paviedamlałasia, što nie dačakaŭšysia zakančeńnia pieramovaŭ z prezidentam Abchazii Alaksandram Ankvabam, hrupa apazicyjanieraŭ pačała šturmavać budynak administracyi kiraŭnika respubliki.
Jany zapatrabavali, kab da mitynhoŭcaŭ vyjšaŭ prezident respubliki Alaksandr Ankvab i nakiravalisia ŭ bok budynku administracyi prezidenta i ŭrada respubliki.
Zahinuŭ biełaruski dobraachvotnik Vasil «Dzir» Rapicki11
Kamientary