U Łuhanskaj vobłaści pamiežniki pahraničnaha adździeła «Dźjakava» biez strat adbili ataku ŭzbrojenych terarystaŭ.
Pra heta paviedamiŭ namieśnik kamandzira bataljona «Azoŭ» Jarasłaŭ Hančar na svajoj staroncy ŭ Facebook.
«Abyšłosia! Nichto nie zahinuŭ, troje paranienych. Pamiežniki prybyli na BRDMach, jakija padaryŭ im miascovy biznesoviec, i sieparatysty adstupili, zabraŭšy z saboj minamioty. Na inšyja napramki, zdajecca, taksama nie pojduć», — napisaŭ jon.
Jak paviedamlałasia, učora ŭdzień pamiežnikami hetaha atrada byŭ praduchileny niezakonny ŭjezd va Ukrainu mikraaŭtobusa z bajevikami. Usie jany byli zatrymanyja. Nočču terarysty pačali šturm adździełu pamiežnaj słužby «Dźjakava» Łuhanskaha pahranatrada Dziaržpahransłužby Ukrainy. Pavodle infarmacyi Dźmitryja Tymčuka, u šturmie ŭdzielničali kala 80 bajevikoŭ, jany byli ŭzbrojenyja aŭtamatami, kulamiotami i ručnymi hranatamiotami.