Mabilny apieratar «MTS» i narviežskaja kampanija Opera Software zapuścili novyja pasłuhi dla bieźlimitnaha dostupu ŭ internet i sacyjalnyja sietki.
Jak paviedamili BiełaPAN u STAA «Mabilnyja TeleSistemy», ciapier sačyć za navinami i abnaŭleńniami praz braŭzer Opera Mini budzie zručniej i sa smartfona, i sa zvyčajnaha telefona z sensarnym ekranam.
U pryvatnaści, nieabmiežavany dostup da Facebook, «VKontaktie» i «Adnakłaśnikaŭ» atrymajuć abanienty, jakija padklučać pakiet «Sacyjalnyja sietki» pa canie 1.200 rubloŭ u sutki.
Kali karystalniku patrebny bieźlimit dla naviedvańnia ŭsich biez vyklučeńnia resursaŭ praz braŭzer Opera Mini, možna padklučyć pakiet «Bieźlimitny tydzień» za 7.500 rubloŭ i karystacca im siem dzion.
Kab padklučyć lubuju z pasłuh, dastatkova zahruzić z Play Markiet abo App Store braŭzer Opera Mini. Paśla zapusku prahramy na startavaj staroncy «Ekspres-panel» nieabchodna pierajści pa ikoncy «MTS Abaniemient», dzie možna vybrać i dadać pažadanyja pakiety. Dla apłaty nie spatrebicca navat bankaŭskaja kartka — suma śpišacca z asabovaha rachunku «MTS».
Opera Mini — adzin z papularnych veb-braŭzeraŭ, raspracavanych kampanijaj Opera Software. Asnoŭnaj jaho pieravahaj źjaŭlajecca technałohija kampresii dadzienych, jakaja zabiaśpiečvaje bolš chutkuju zahruzku kantentu, a taksama istotna ekanomić srodki abanientaŭ na mabilny Internet. Jašče adnoj pieravahaj braŭzera Opera Mini źjaŭlajecca adaptavanaje adlustravańnie internet-sajtaŭ, što robić ich zručnymi dla prahladu na nievialikich ekranach. Braŭzeram možna karystacca jak z sensarnaha ekrana, tak i z kłavijatury.
