Новая паслуга МТС для безлімітнага доступу да Інтэрнэту і сацсетак праз браўзэр Opera Mini
Мабільны аператар «МТС» і нарвежская кампанія Opera Software запусцілі новыя паслугі для безлімітнага доступу ў інтэрнэт і сацыяльныя сеткі.
Як паведамілі БелаПАН у СТАА «Мабільныя ТэлеСістэмы», цяпер сачыць за навінамі і абнаўленнямі праз браўзэр Opera Mini будзе зручней і са смартфона, і са звычайнага тэлефона з сэнсарным экранам.
У прыватнасці, неабмежаваны доступ да Facebook, «ВКонтакте» і «Аднакласнікаў» атрымаюць абаненты, якія падключаць пакет «Сацыяльныя сеткі» па цане 1.200 рублёў у суткі.
Калі карыстальніку патрэбны безліміт для наведвання ўсіх без выключэння рэсурсаў праз браўзэр Opera Mini, можна падключыць пакет «Безлімітны тыдзень» за 7.500 рублёў і карыстацца ім сем дзён.
Каб падключыць любую з паслуг, дастаткова загрузіць з Play Маркет або App Store браўзэр Opera Mini. Пасля запуску праграмы на стартавай старонцы «Экспрэс-панэль» неабходна перайсці па іконцы «МТС Абанемент», дзе можна выбраць і дадаць пажаданыя пакеты. Для аплаты не спатрэбіцца нават банкаўская картка — сума спішацца з асабовага рахунку «МТС».
Opera Mini — адзін з папулярных вэб-браўзэраў, распрацаваных кампаніяй Opera Software. Асноўнай яго перавагай з'яўляецца тэхналогія кампрэсіі дадзеных, якая забяспечвае больш хуткую загрузку кантэнту, а таксама істотна эканоміць сродкі абанентаў на мабільны Інтэрнэт. Яшчэ адной перавагай браўзэра Opera Mini з'яўляецца адаптаванае адлюстраванне інтэрнэт-сайтаў, што робіць іх зручнымі для прагляду на невялікіх экранах. Браўзэрам можна карыстацца як з сэнсарнага экрана, так і з клавіятуры.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1010
Каментары