Zaprašajem u vandroŭku pa histaryčnaj biełaruskaj ziamli
Hramadskaje abjadnańnie «Alternatyva» (zarehistravanaje ŭ Łatvii) u miežach kampanii «Za niezaležnuju Biełaruś!» zaprašaje 15 červienia ŭ biaspłatnuju ekskursijnuju vandroŭku pa Zachodniaj Biełarusi.Maršrut:
Minsk-Rakaŭ-Dziasiatniki-Halšany-Baruny-Kreva-Župrany-Soły-Hiry-Hierviaty-Smarhoń-Zaleśsie-Minsk.
Udzielniki vandroŭki pabyvajuć u Halšanach, na miescy apisanaha Karatkievičam «Čornaha zamka» kanca XVI st., pačujuć padańni ab pryvidach hetych miaścinaŭ.
Pabyvajuć na ruinach Kreŭskaha zamka vialikich kniazioŭ, dzie ŭ 1385 hodzie była padpisanaja unija pamiž VKŁ i Polščaj. U svoj čas ścieny zamka trymali ŭ pałonie słavutaha kniazia Vitaŭta, pakul jon nie zdoleŭ vyrvacca. Pabač z zamkam – Jurava hara – byłoje pahanskaje kapišča.
Zmohuć pabačyć kaścioły ŭ styli hotyki, baroka, reniesansu, kłasicyzmu, taksama naviedajuć adno z najbujniejšych miescaŭ pachavańnia niamieckich žaŭnieraŭ Pieršaj suśvietnaj vajny i cikavy pamiatny manumient u vyhladzie arła, jaki ŭžo stahodździe sočyć za spakojem i paradkam.
Zavitajuć u staražytny horad Smarhoń, viadomy svaimi kaściołami i cerkvami, utulnymi vulicami i pryhožym parkam, radzimaj abarankaŭ, unikalnaj škoły pa dresury miadźviedziaŭ, stvoranaj Radziviłami ŭ XVII st., a taksama znakamitym francuzskim impierataram Napaleonam, jaki ŭ 1812 hodzie padčas adstupleńnia ad rasijskaj armii pakinuŭ svajo vojska i samastojna rušyŭ u Paryž.
Pabyvajuć na siadzibie Ahinskich ŭ Zaleśsi, ulubionym miescy ramantykaŭ. Zavieršyć padarožža znakamity «Pałaniez Ahinskaha».
Vandroŭka biaspłatnaja! Ekskursiju buduć ładzić cikavyja historyki i krajaznaŭcy.
Adjezd 15 červienia a 8-aj ranicy ź Minsku, viartańnie a 21-aj hadzinie. Patrabavańni da ŭdzielnikaŭ: hramadzianstva Respubliki Biełaruś, uzrost ad 18 hadoŭ, nieabyjakavaść da nacyjanalnaj historyi i kultury.
Kantaktnuju infarmacyju (imia, proźvišča, telefon) treba dasyłać na elektronnuju skryniu: [email protected].
Śpiašajciesia, kolkaść miescaŭ abmiežavanaja!
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj22
Kamientary