9 listapada puchavicki rajonny sud asudziŭ aktyvistku Partyi BNF, nastaŭnicu ź vioski Talka Natallu Iljinič da 1,5 hadoŭ papraŭčych pracaŭ. Jaje abvinavacili ŭ padbuchtorvańni da padrobki medycynskaj daviedki.
Daviedka była pryznačanaja dla dački spn. Natalli, Darji, jakaja sioleta viasnoj jeździła ŭ Polšču, kab paŭdzielničać u histaryčnym seminary. Adpaviedna Darja prapuściła niekalki zaniatkaŭ na histfaku BDU, dzie jana navučajecca.
Naprykancy krasavika ŭ dekanat histfaku pryjšoŭ supracoŭnik KDB, jaki chacieŭ pahavaryć z Darjaj. “Čekist” skazaŭ, što jon u kursie, što dziaŭčyna nie chvareła, a znachodziłasia tyja dni ŭ Polščy. Jon prapanavaŭ dać infarmacyju pra hety seminar. KDBist skazaŭ, što ŭ takim vypadku ŭ dziaŭčyny nia budzie nijakich prablem z vučobaj, a taksama jana zmoža i nadalej jeździć na padobnyja seminary za miažu. U praciŭnym vypadku, supracoŭnik specsłužbaŭ abiacaŭ puścić u sud spravu z daviedkami. Darja kateharyčna admoviłasia ad supracoŭnictva.
Paśla było jašče niekalki sprobaŭ KDBista vyjści ź joj na kantakt, ale ŭvieś čas Darja Iljinič adkazvała admovaj. Urešcie sprava Natalli Iljinič była pieradadziena ŭ sud.
Pakul niezrazumieła, ci pakinuć žančynu pracavać u škole nastaŭnicaj. Bližejšymi dniami Natalla Iljinič źbirajecca padavać skarhu adnosna prysudu ŭ vyšejšyja sudovyja instancyi.
Źmicier Pankaviec
![]() |
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)