U Minsku rasśledujecca kryminalnaja sprava z machlarstvam mašynami.
«Kampanija «AŭtaKampaniSevan» zajmałasia kamisijnaj realizacyjaj transpartnych srodkaŭ pryvatnych aŭtaŭładalnikaŭ. U apošni čas hramadzianie masava pačali źviartacca ŭ pravaachoŭnyja orhany z zajavami, što paśla afarmleńnia damovaŭ ź firmaj, jaje pradstaŭniki nie vykonvajuć abaviazalnictvy: zaciahvajuć terminy prodažu, nie viartajuć hrošy pad roznymi pryčynami, a los aŭtamabilaŭ, uziatych na realizacyju, nieviadomy», — paviedamili ŭ Śledčym kamitecie Biełarusi.
Vyjaviłasia, što dyrektar firmy ŭ zmovie z pamahatymi zavałodaŭ šeraham darahich aŭto: ad pačatku jon nie źbiraŭsia vykonvać damoŭlenaści.
Padazravanyja zatrymanyja. Ich vinavaciać u machlarstvie ŭ asabliva bujnym pamiery. Pa infarmacyi SK, jany dajuć pakazańni. Śledčyja ŭstanaŭlivajuć maštaby machlarstva, kolkaść paciarpiełych i sumu naniesienaj škody. Papiarednie, ad zatrymanych mahli paciarpieć nie mienš za 300 aŭtaŭładalnikaŭ.