Mielicina Staniuta — praŭnučka lehiendarnaj aktrysy Stefanii Staniuty.
Paśla niadaŭniaha paśpiachovaha vystupu na chatnim etapie Kubka śvietu pa mastackaj himnastycy lidar zbornaj Biełarusi Mielicina Staniuta ŭvajšła ŭ trojku najlepšych suśvietnaha rejtynhu ŭ alimpijskaj dyscyplinie — indyvidualnym mnahaborji.
Staniuta zaniała na etapie Kubka śvietu ŭ Minsku 2-je miesca ŭ hetym vidzie prahramy i ŭziała 25 rejtynhavych ačkoŭ. Usiaho na rachunku biełaruski ciapier 99 zalikovych bałaŭ, što dazvoliła joj akupavać 3-i radok suśvietnaha rejtynhu ŭ alimpijskaj dyscyplinie. Viadučyja pazicyi ŭ im zajmajuć dźvie rasijanki - Jana Kudraŭcava ( 135 ačkoŭ) i Marharyta Mamun ( 130). Siarod najlepšych taksama znachodziacca Hanna Ryzatdzinava (Ukraina; 95 ačkoŭ; 4-je miesca), Maryja Citova (Rasija; 83; 5, Jen Čže Son (Respublika Kareja: 73; 6), Maryna Durunda (Azierbajdžan; 65,5; 7), Alaksandra Sałdatava (Rasija; 65; 8). Dzieviataje miesca, majučy adnolkavuju kolkaść rejtynhavych bałaŭ (pa 52), dzielać izrailcianka Neta Ryŭkin i biełaruska Kaciaryna Hałkina. U jašče dvuch pradstaŭnic Biełarusi pazicyi takija: 17-ja - Aryna Šarapa (32), 47-ja - Alena Bałocina (1,5).
Što tyčycca rejtynhu ŭ asobnych praktykavańniach, to lidar biełaruskaj zbornaj Mielicina Staniuta va ŭsich čatyroch ź ich taksama ŭvachodzić u trojki najlepšych. Druhija miescy jana zajmaje ŭ dvuch vidach (abruč - 110 ačkoŭ, stužka - 109). U praktykavańniach ź miačom (110) i bułavami (105) himnastka idzie treciaj.
Pazicyi ŭ suśvietnym rejtynh-liście kamand u hrupavych praktykavańniach (u mnahaborji i asobnych vidach) buduć apublikavanyja paźniej.
Na etapie Kubka śvietu, jaki prachodziŭ u Minsku ad 30 maja da 1 červienia, Mielicina Staniuta čatyry razy ŭzdymałasia na pjedestał u asabistych spabornictvach. Da srebnaj uznaharody ŭ mnahaborji jana dadała zołata ŭ praktykavańni sa stužkaj, a taksama dźvie bronzy ŭ kampazicyjach ź miačom i bułavami. Biełaruskaja kamanda «hrupavičak» stała druhoj u praktykavańniach z 10-ju bułavami. Paśla hetaha kubkavaha etapu ŭsia biełaruskaja zbornaja pačała zaklučny etap padrychtoŭki da čempijanatu Jeŭropy- 2014, jaki startuje 13 červienia ŭ Baku (Azierbajdžan).
