MZS RF nie moža rastłumačyć, čamu eks-prezydent Ukrainy Viktar Janukovič da hetaha času znachodzicca na terytoryi RF, parušajučy normu zakona ab znachodžańni inšaziemcaŭ.
Pra heta skazaŭ aficyjny pradstaŭnik MZS Rasii Alaksandr Łukaševič u čaćvier na bryfinhu ŭ Maskvie.
«Nakont Viktara Fiodaraviča Janukoviča — tut mnie ciažka davać niejkija kamientary, pakolki čałaviek u svoj čas źviarnuŭsia z prośbaj ab zabieśpiačeńni jaho asabistaj biaśpieki, i takija harantyi i mahčymaści byli pradastaŭleny», — skazaŭ jon.
«Što tyčycca trochmiesiačnaha terminu, ja pavinien źvierycca z našymi ekśpiertami pa zakanadaŭstvie i ŭdakładnić. Napeŭna, my dadatkova zmožam vas prainfarmavać na hety kont», — skazaŭ Łukaševič.
Nahadajem, pavodle rasijskaha zakanadaŭstva, zamiežniki mohuć znachodzicca na terytoryi RF nie bolš za 90 dzion na praciahu paŭhoda.
Janukovič bieh z rezidencyi «Mižhorje» pad Kijevam 21 lutaha, potym chavaŭsia na ŭschodzie krainy i ŭ Krymie, a 28 lutaha daŭ pieršuju pres-kanfierencyju ŭ rasijskim Rastovie-na-Donie.
Z času jaho pryjezdu ŭ RF prajšli ŭžo 91 sutki.
