V.a. prezidenta Alaksandr Turčynaŭ zajaŭlaje, što Ukraina nie budzie vieści pieramovaŭ z terarystami, a Iharu Bieźleru nie paźbiehnuć pakarańnia.
Tak Turčynaŭ prakamientavaŭ videa, na jakim Bieźler šantažavaŭ ukrainskuju ŭładu, pahražajučy zabić pałonnych.
«Hramadzianin Rasijskaj Fiederacyi Ihar Bieźler pa mianušcy «Bies» źjaŭlajecca złačyncam i zabojcam, tamu jon pavinien być pakarany jak zhodna z ukrainskim, tak i mižnarodnym pravam», — skazaŭ Turčynaŭ
Jon padkreśliŭ, što Bieźleru «nie ŭdasca paźbiehnuć hetaha pakarańnia».
Kiraŭnik parłamienta dadaŭ, što ŭłada nie viadzie pieramovaŭ z zabojcami i terarystami.
«Adkaznaść za kryvavyja złačynstvy hramadzianina Rasijskaj Fiederacyi Bieźlera taksama lažyć na palityčnym kiraŭnictvie Rasii, jakoje praciahvaje uzbrojvać i padtrymlivać kryvavy teror na ŭschodzie Ukrainy», — padkreśliŭ Turčynaŭ.