В.а. прэзідэнта Аляксандр Турчынаў заяўляе, што Украіна не будзе весці перамоваў з тэрарыстамі, а Ігару Безлеру не пазбегнуць пакарання.
Так Турчынаў пракаментаваў відэа, на якім Безлер шантажаваў украінскую ўладу, пагражаючы забіць палонных.
«Грамадзянін Расійскай Федэрацыі Ігар Безлер па мянушцы «Бес» з'яўляецца злачынцам і забойцам, таму ён павінен быць пакараны як згодна з украінскім, так і міжнародным правам», — сказаў Турчынаў
Ён падкрэсліў, што Безлеру «не ўдасца пазбегнуць гэтага пакарання».
Кіраўнік парламента дадаў, што ўлада не вядзе перамоваў з забойцамі і тэрарыстамі.
«Адказнасць за крывавыя злачынствы грамадзяніна Расійскай Федэрацыі Безлера таксама ляжыць на палітычным кіраўніцтве Расіі, якое працягвае узбройваць і падтрымліваць крывавы тэрор на ўсходзе Украіны», — падкрэсліў Турчынаў.
Каментары