Pra heta zajaviŭ kiraŭnik polskaha MZS Radasłaŭ Sikorski ŭ čaćvier padčas dyskusii na temu budučyni Ukrainy i Jeŭropy ŭ ramkach fiestyvalu imia Jaceka Kurania
Agencja Gazeta
«Ukrainie nie pahražaje źniknieńnie źniešniaj pahrozy, bo nie spadziajusia, kab prezident Uładzimir Pucin, pakul źjaŭlajecca prezidentam, addaŭ by Krym», — skazaŭ ministr.
Sikorski pryznaŭ, što Jeŭrapiejski sajuz niedastatkova adekvatna reahavaŭ na dziejańni Rasijskaj Fiederacyi ŭ kantekście dałučeńnia Kryma, nazvaŭšy pryčynaj hetaha sistemu pryniaćcia rašeńniaŭ u jeŭrapiejskaj supolnaści.
«Na žal, majem hetuju prablemu, mahčyma, z-za pavolnaj praceduru pryniaćcia rašeńniaŭ na kožnym etapie, robim mienš, čym minimalna nieabchodna, kab paŭpłyvać na praces pryniaćcia rašeńnia ź inšaha boku», — skazaŭ ministr.
Jon taksama źviarnuŭ uvahu na toje, što viadučuju rolu va ŭkaranieńni sankcyj suprać Rasiei za jaje dziejańni ŭ Ukrainie hulali ZŠA, a nie ES.
Razam z tym jon zajaviŭ, što samym vialikim pakarańniem Rasijskaj Fiederacyi za dałučeńnie Kryma źjaŭlajecca ŭłasna jaho niepryznańnie zachodnimi dziaržavami, što budzie mieć daloka idučyja nastupstvy dla raźvićcia paŭvostrava.
Pavodle jaho słoŭ, u ciapierašnich umovach nivodny zachodni bank nie zmoža pracavać u Krymie, nivodny karabiel nie zmoža pryvieźci i razmytnić na paŭvostravie svoj tavar.
«Ciapier my aceńvajem, što stabilizacyja situacyi ŭ Krymie ŭ ekanamičnym sensie — havorka pra pabudovu nieabchodnaj infrastruktury dla pastavak vady, elektraenierhii, hazu, zabieśpiačeńnia vypłat zarobkaŭ i piensij … - budzie kaštavać kala 30 miljardaŭ dołaraŭ», - skazaŭ ministr.
«Heta na samaj spravie šmat», - zajaviŭ jon.
