Ukraina «nikudy nie dzieniecca» ad supracoŭnictva ź Jeŭrazijskim ekanamičnym sajuzam, damova ab stvareńni jakoj była padpisana 29 maja prezidentami Rasii, Biełarusi i Kazachstana.
Pra heta zajaviŭ Alaksandr Łukašenka ŭ intervju sierbskamu telebačańniu.
«Užo na stadyi zaklučeńnia hetaha dahavora pamiž tryma dziaržavami cikavaść da jaho kałasalnaja. Ja nie kažu pra Kitaj, my ŭžo ź imi razmaŭlajem, supracoŭničajem, siońnia Vjetnam, Indyja zajavili pra heta, inšyja dziaržavy, vy siabie tam bačycie. Ja ŭpeŭnieny, što Ukraina nikudy nie dzieniecca ad supracoŭnictva z hetym sajuzam», — skazaŭ jon.
Pavodle jaho słoŭ, u Jeŭrazijskaha ekanamičnaha sajuza vialikija pierśpiektyvy.
Pry hetym, jon padkreśliŭ, što dla taho, kab da JEAES zachacieli dałučycca inšyja krainy, Sajuzu «nieabchodna prademanstravać z punktu hledžańnia ekanomiki narmalnyja pierśpiektyvy, pakazać usim, što heta sapraŭdy žyćciazdolnaje abjadnańnie».
Jon taksama adznačyŭ, što «zaradžajecca novy centr siły».
«Moža być, heta dadatkovy ŭkład u šmatpalarnaść śvietu», — adznačyŭ Łukašenka.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary