Trup Alesi znajšoŭ vartaŭnik kala 6.30 ranicy 29 žniŭnia 2013 kala rečyckaha Doma tvorčaści moładzi. Na ciele zabitaj ekśpierty vyjavili šmatlikija paškodžańni, u tym liku ślady ad udaraŭ. U toj ža dzień byŭ zatrymany 19-hadovy raniej nieadnarazova sudzimy miascovy žychar.
Zabitaja Alesia pracavała ŭ restaranie «Paleśsie» kandytaram. U tuju noč jana viartałasia z dnia naradžeńnia. Pravieści jaje ŭziaŭsia znajomy chłopiec. Jana była ź vioski Krynki kala Rečycy, dzie žyvuć baćki.
Ciapier śledčyja skončyli rasśledavańnie, chłopiec znajomicca z materyjałami spravy. Jon abvinavačvajecca ŭ zabojstvie z asablivaj žorstkaściu, złosnym chulihanstvie, kradziažy, naŭmysnym naniasieńni ciažkaha cialesnaha paškodžańnia, rabunku, dziejańniach seksualnaha charaktaru. Akazałasia, što jon byŭ napadpitku i pad narkatoj, kali pravodziŭ Alesiu.
«Abvinavačany z metaj zadavalnieńnia svajoj pałavoj žarści z sadysckich schilnaściaŭ pačaŭ nanosić šmatlikija ŭdary pa ciełu dziaŭčyny, paśla čaho nasupierak jaje voli ździejśniŭ u adnosinach da jaje inšyja dziejańni seksualnaha charaktaru»,
— paviedamili ŭ Śledčym kamitecie. I praciahvaŭ bić dziaŭčynu: paškodžańni stali pryčynaj śmierci. Paśla hetaha jon skraŭ jaje rečy.
Padčas rasśledavańnia było praviedziena bolš za 40 ekśpiertyz. Śledčyja taksama vyjavili fakty inšych złačynstvaŭ, jakija abvinavačany ździejśniŭ ź inšymi asobami. Znachodzicca pad vartaj.
