Piśmieńnica Džoan Roŭlinh achviaravała 1 miljon funtaŭ sterlinhaŭ, kab dapamahčy finansavać kampaniju suprać niezaležnaści Šatłandyi.
BBC
Aŭtar knih pra Hary Potera, jakaja žyvie ŭ Edynburhu (Šatłandyja), publična padtrymała kampaniju «Lepš razam».
Tłumačačy svajo rašeńnie na jaje sajcie, Roŭlinh skazała, što jość «sproby ihnaravać ryzyki» siarod ludziej, jakija ahitujuć za niezaležnaść Šatłandyi. Jana taksama adznačyła, što isnujuć «krajnija nacyjanalisty, jakija lubiać demanizavać usich, chto nie padtrymlivaje baraćbu za niezaležnaść ślepa i biezumoŭna».
Vybarščyki ŭ Šatłandyi pojduć na vybary 18 vieraśnia vyrašać budučyniu svajoj krainy. Jany adkažuć «tak» abo «nie» na pytańnie: «Ci pavinna Šatłandyja być niezaležnaj dziaržavaj?»
U svaim vystupie spadarynia Roŭlinh skazała, što simpatyzuje svaim siabram pa abodva baki debataŭ, ale taksama dadała: «maja nierašučaść adnosna idei niezaležnaści Šatłandyi nie maje ničoha ahulnaha z adsutnaściu viery ŭ vydatnych šatłandskich ludziej abo ich dasiahnieńni».
«Prostaja iścina zaklučajecca ŭ tym, što Šatłandyja padvieržanaja tym ža vyklikam XXI st, što i astatni śviet. Jana pavinna kankuravać na tych ža hłabalnych rynkach, abaraniacca ad tych ža pahroz i adnaŭlać uraźlivuju ekanomiku».
«Čym bolš ja słuchaju arhumienty kampanii za niezaležnaść, tym bolš ja chvalujusia ab prymianšeńni abo navat ihnaravańni ryzyk. Štoraz, kali paŭstajuć vialikija pytańni — ab našaj mocnaj zaležnaści ad naftavych dachodaŭ, ab valucie, jakuju my budziem vykarystoŭvać, ab mahčymym viartańni ŭ ES — razumnyja pytańni tonuć u mory abvinavačvańniaŭ u «panikiorstvie», śćviardžaje Roŭlinh.
