Ministerstva zamiežnych spraŭ Biełarusi nie atrymlivała zvarotaŭ nakont pryznańnia «Łuhanskaj Narodnaj Respubliki», paviedamiŭ na bryfinhu ŭ Minsku 12 červienia pres-sakratar źniešniepalityčnaha viedamstva Dźmitryj Mirončyk.
«MZS Biełarusi nie atrymlivaŭ nijakich aficyjnych zvarotaŭ abo zvarotaŭ, jakija my možam ličyć aficyjnymi ŭ hetaj suviazi, — zajaviŭ jon. — Što da situacyi na paŭdniovym uschodzie Ukrainy i praviedzienych tam refierendumaŭ, vyčarpalnaja acenka hetaha dadziena kiraŭnikom dziaržavy», — dadaŭ jon.
Jak paviedamlałasia raniej, sieparatysty, jakija zajavili ab stvareńni «Łuhanskaj Narodnaj Respubliki», źviarnulisia da 15 krain i subjektaŭ (u tym liku rasijskich) z prośbaj ab pryznańni jaje niezaležnaści. Siarod adrasataŭ značycca Biełaruś — adpaviednyja zvaroty nakiravany Alaksandru Łukašenku, a taksama staršyniam abiedźviuch pałat Nacyjanalnaha schodu Anatolu Rubinavu i Uładzimiru Andrejčanku.
Nahadajem, 21 maja ŭ intervju rasijskamu telekanału «Dožd́» Alaksandr Łukašenka zajaviŭ, što z punktu hledžańnia prava «refierendumy ŭ Danieckaj i Łuhanskaj abłaściach Ukrainy nie majuć nijakaha značeńnia». «Ja nie kažu, u jakich umovach pravodziŭsia refierendum… Luby refierendum pavinien pravodzicca na padstavie Kanstytucyi», — padkreśliŭ biełaruski kiraŭnik.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary