Da piaci hadoŭ pazbaŭleńnia voli z kanfiskacyjaj majomaści z adterminoŭkaj vykanańnia pakarańnia na try hady sud Centralnaha rajona Minska pryhavaryŭ 31-hadovaha minčanina, uradženca Łojeŭskaha rajona Homielskaj vobłaści, jaki pryznany vinavatym u machlarstvie ŭ asabliva bujnym pamiery (č. 4 art. 209 KK).
Jak paviedamili ŭ prakuratury Minska, złačynstva było ŭčyniena 22 listapada 2012 hoda. U adździaleńni adnaho z bankaŭ u stalicy mužčyna nabyŭ 6.300 jeŭra, a zatym paprasiŭ kasira pamianiać jamu hrošy na bujniejšyja kupiury, što jana i zrabiła. Adnak pamyłkova vydała klijentu ŭžo nie 6.300, a 24.500 jeŭra. Mužčyna zabraŭ hrošy i pajšoŭ.
Asoba klijenta była ŭstanoŭlena, jamu telefanavali, prapanavali viarnuć hrošy, adnak zrabiŭ jon heta tolki paśla raspačynańnia kryminalnaj spravy.
Pryhavor rajonnaha suda byŭ vyniesieny 18 sakavika hetaha hoda. Abvinavačany jaho abskardziŭ. 3 červienia Minski haradski sud pakinuŭ pryhavor bieź źmieny, i jon nabyŭ moc.
