Amazon pradstaviŭ ułasny smartfon z trochmiernym interfiejsam
Anłajn-rytejler Amazon pradstaviŭ ułasny smartfon Fire, jaki moža sačyć za hałavoj karystalnika, i, zychodziačy z hetaha, źmianiać malunak na dysplei.

Aparat zaklučany ŭ prahumavany korpusa c aluminijevymi kłavišami, i maje 4,7-calevy dysplej z razroznaściu HD, pakryty dadatkovym škłom padvyšanaj supraciŭlalnaści da drapin i ŭdaraŭ. Pryłada taksama atrymała 13-miehapiksielnuju kamieru, dla jakoj jość asobnaja knopka z funkcyjaj stabilizacyi malunka, a taksama apieratyŭnuju pamiać 2 Hb. Smartfon pracuje na čatyrochjadravym pracesary z častatoj 2,2 Hhc.
Smartfon kampanii atrymaŭ taksama padvojnyja stereadynamiki z padtrymkaj virtualnaha abjomnaha huku Dolby Digital Plus. Pryłada intehravana z usimi isnujučymi servisami Amazon.
Adna z hałoŭnych znachodak raspracoŭščyka smartfona — trochmierny interfiejs, zasnavany na sistemie adsočvańnia stanovišča hałavy karystalnika. Raspracoŭščyki dla hetaj technałohii zadziejničali 4 kamiery, u kožnaj ź ich vuhał ahladu ŭ 120 hradusaŭ i infračyrvonaje padśviatleńnie. Tak, u zaležnaści ad addalenaści karystalnika, malunak na dysplei ekrana moža mianiać svoj maštab i aryjentacyju. Taksama, kab hartać karcinki, treba prosta nachilić smartfon.
Jašče adnoj admietnaściu aparata stała technałohija FireFly — funkcyja raspaznańnia fatahrafij, muzyki, knih, telefonnych numaroŭ, adrasoŭ, televizijnych šoŭ. Infarmacyju ab abjektach paśla ich raspaznańnia karystalnik moža atrymać nie tolki na staronkach samoha internet-kramy, ale i ŭ «Vikipiedyi». Dla samoha servisu taksama praduhledžana asobnaja kłaviša. Pa słovach pradstaŭnikoŭ kampanii, pryłada zdolnaja raspaznać zvyš za 100 młn roznych pradmietaŭ. Apieracyjnaj sistemaj pryłady stała Fire OS 3.5. Jak adznačajuć pradstaŭniki Amazon, heta AS Android z dadańniem roznych prahram i mahčymaściaŭ i palepšanaj pradukcyjnaściu.
Pa dadzienych anłajn-rytejlera, košt smartfona składzie $199-299 pry ŭmovie zaklučeńnia kantraktu z apierataram AT&T, košt biez kantraktu budzie varjiravacca ŭ miežach $649-749 biez uliku padatkaŭ. Start prodažaŭ zapłanavany na 25 lipienia.
Kamientary